Akola News : तेल्हारा तालुक्यात मंगळवारी (ता. २७) झालेल्या अवकाळी पावसामुळे शेतातील पिकांचे मोठ्या प्रमाणात नुकसान झाले आहे. त्या पिकांचे पंचनामे करून शेतकऱ्यांना त्वरित मदत करावी, असे निवेदन शेतकऱ्यांनी तहसीलदार, कृषी अधिकाऱ्यांना दिले.

मंगळवारी मॉन्सूनपूर्व पाऊस रात्रभर आल्याने शेतातील ज्वारी, केळी, भुईमूग, तीळ, कांदा, मका पिकाचे मोठ्या प्रमाणात नुकसान झाले. आधीच कोणत्याही पिकाला भाव मिळत नसल्याने शेतकरी हतबल झाले आहेत.

त्यामध्ये या पावसामुळे फटका दिला. तेल्हारा येथे तहसील कार्यालयात निवेदन देताना शेतकरी संघटनेचे पदाधिकारी नीलेश नेमाडे, अमोल मसुरकार, रितेश देशमुख, अनिल मानकर, अंकुश तायडे, दीपक कौठकार,

मजहर अली मिरसाहेब, नीलेश सावळे, सागर चिम, प्रवीण सित्रे, गुलाम जाकिर, गोपाल घोडेस्वार, देविदास नेमाडे, विकास इंगळे, संदीप रोहणकार, प्रफुल्ल देशमुख, प्रशांत रत्नपारखी, विनोद धुळे यांच्यासह मोठ्या प्रमाणात शेतकरी उपस्थित होते.