Nashik News: नांदूर मधमेश्वर एक्स्प्रेस कालव्यामुळे नापीक होत असलेल्या क्षेत्रासाठी कायमस्वरुपी उपाययोजनेसाठी खेडला, रुई, वाकद शिरवाडे, देवगाव व देवगाव-२ या चर योजनेच्या परीक्षण व देखभाल दुरुस्ती कामांचा २०२६-२७ च्या आराखड्यात समावेश असल्याची माहिती आमदार पंकज भुजबळ यांनी उपस्थित केलेल्या तारांकित प्रश्नावर जलसंपदा मंत्री राधाकृष्ण विखे पाटील यांनी लेखी उत्तरात दिली आहे..जिल्ह्यातील नांदूर मध्यमेश्वर (ता.निफाड) परिसरात एक्स्प्रस कालव्याचे पाणी तसेच पावसाचे पाणी साचल्यामुळे शेती नापीक होत असल्याच्या गंभीर प्रश्नाकडे लक्ष वेधण्यासाठी विधानपरिषद सदस्य आमदार पंकज भुजबळ विधान परिषदेत तारांकित प्रश्न उपस्थित केला होता. आमदार भुजबळ यांनी उपस्थित केलेल्या तारांकित प्रश्नात म्हटले आहे, की नांदूर मधमेश्वर एक्स्प्रेस कालव्याच्या पाण्यामुळे तसेच पावसाच्या पाण्याच्या साठ्यामुळे नापीक होत असलेल्या शेती क्षेत्रासाठी जलनि:स्सारणाची कामे करून कायमस्वरूपी उपाययोजना करण्याबाबत जलसंपदा विभाग, पाटबंधारे संशोधन विभागाकडे निवेदनाद्वारे मागणी केली होती..Radhakrishna Vikhe Patil: आधुनिक तंत्रज्ञानातूनच शेतीचे भविष्य उज्ज्वल : विखे पाटील .याबाबत उक्त प्रकरणी शासनाने चौकशी केली आहे काय? तसेच चौकशीच्या अनुषंगाने नांदूर मधमेश्वर एक्स्प्रेस कालव्यामुळे व पावसाच्या पाण्यामुळे नापीक होत असलेल्या क्षेत्रासाठी जल:निस्सारणाची कामे करून कायमस्वरूपी उपाययोजना करण्यासाठी शासनाने कोणती कार्यवाही केली वा करण्यात येत आहे, असा प्रश्न उपस्थित केला..Radhakrishna Vikhe Patil: शेतकऱ्यांनी कर्ज काढायच, कर्जबाजारी व्हायच आणि त्यानंतर कर्जमाफी मागायची; राधाकृष्ण विखे पाटलांचे शेतकऱ्यांबाबत वादग्रस्त विधान.या प्रश्नाच्या उत्तरात जलसंपदा मंत्री विखे-पाटील यांनी म्हटले आहे, की नांदूर मधमेश्वर एक्स्प्रेस कालव्याच्या पाण्यामुळे तसेच पावसाच्या पाण्याच्या साठ्यामुळे नापीक होत असलेल्या शेती क्षेत्रासाठी जलनि:स्सारणाची कामे करून कायमस्वरूपी उपाययोजना करण्याबाबत जलसंपदा विभाग तसेच पाटबंधारे संशोधन विभाग, नाशिक यांच्याकडे निवेदनाव्दारे मागणी करण्यात आली आहे..या अनुषंगाने अन्न, नागरी पुरवठा व ग्राहक संरक्षण मंत्री यांचे निवेदन प्राप्त झाले आहे. या निवेदनाच्या अनुषंगाने पाटबंधारे संशोधन विभाग, नाशिक यांचेमार्फत क्षेत्रिय पाहणी करण्यात आली असून नांदूर मधमेश्वर एक्स्प्रेस कालव्यामुळे नापीक होत असलेल्या क्षेत्रासाठी कायमस्वरुपी उपाययोजनेसाठी खेडले, रुई, वाकद शिरवाडे, देवगाव व देवगाव-२ या चर योजनेच्या परिक्षण व देखभाल दुरुस्ती कामांना सन २०२६-२७ च्या प्रापणसूचीमध्ये मान्यता देण्याचे प्रस्तावित आहे. सन २०२६-२७ च्या प्रापणसूचीमध्ये सदर क्षेत्रातील परीक्षण व देखभाल दुरुस्तीची कामे निधी उपलब्धतेनुसार हाती घेण्याचे नियोजित असल्याचे म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
