Palghar News : डहाणू तालुक्यातील कासा परिसरात सध्या पाणीटंचाई सदृश परिस्थिती झाली आहे. दरवर्षी धामणी धरणातील कालव्याचे पाणी सिंचनासाठी सोडले जात नसल्याने येथील विहिरी, तसेच बोअरवेलना पाणी कमी झाले आहे.

त्यामुळे नागरिकांना पाण्याची समस्या निर्माण झाली आहे. कासा भागात सूर्या नदी वाहत असून, त्यावर कासा गावांसाठी नळाद्वारे पाणीपुरवठा केला जातो, पण अजूनही अनेक नागरिकांनी नळयोजनेचे पाणी घेतले नाही.

त्यात यावर्षी कासा, भराड, तवा भागात जाणाऱ्या कालव्याची दुरुस्ती करण्यात येणार होते. त्या कालव्यात पाणी सोडले नसल्याने भूजल पातळी खोलवर गेल्याने विहिरी, तसेच बोअरवेलसाठी पाणीसमस्या जाणवत आहे.

पुढील तीन महिने त्रास सहन करावा लागेल, अशी भीती ग्रामस्थ विनोद गायकवाड यांनी व्यक्त केली.