Soybean Farming Agrowon
ॲग्रो विशेष

Soybean Farming : खेडमध्ये सोयाबीनला शेतकऱ्यांची पसंती

Soybean Sowing : खेड तालुक्यात खरीप हंगामातील पारंपरिक पिकांची जागा आता सोयाबीन पिकाने घेतली आहे. सरासरी ६,५२२ हेक्टर क्षेत्र असणाऱ्या सोयाबीन पिकाची यावर्षी तब्बल १८,९६०.२० हेक्टरवर पेरणी झाली आहे.

Team Agrowon

Chas News : खेड तालुक्यात खरीप हंगामातील पारंपरिक पिकांची जागा आता सोयाबीन पिकाने घेतली आहे. सरासरी ६,५२२ हेक्टर क्षेत्र असणाऱ्या सोयाबीन पिकाची यावर्षी तब्बल १८,९६०.२० हेक्टरवर पेरणी झाली आहे. शिवाय हे पीकही जोमदार आले आहे. मागील वर्षी सोयाबीन १७,१४९ हेक्टरवर पेरण्यात आले होते.

खरिपातील बाजरीचे क्षेत्र शून्य टक्क्यांवर, तर भुईमुगाचे क्षेत्र ४,३०३.०८ हेक्टर क्षेत्रावरून फक्त ६३४.९० हेक्टरवर आले असल्याची माहिती तालुका कृषी अधिकारी नंदकुमार वाणी यांनी दिली आहे. तालुक्यात ४२१९९.०७ हेक्टर क्षेत्र हे एकूण खरीप हंगामाचे असून, यंदा ४४,८६७ हेक्टरवर पेरणी झाली आहे.

पारंपरिक पिकांना फाटा देत गेल्या काही वर्षांपासून सोयाबीन पिकाला तालुक्यात पसंती वाढते आहे. चालू वर्षी पाऊस होईल या आशेवर जमिनीत पुरेशी ओल होताच खेड तालुक्याच्या पश्चिम पट्ट्यातील शेतकऱ्यांनी खरीप हंगामातील भाताच्या लागवडी करण्यासाठी भातरोपे तयार करण्यासाठी साळीची पेरणी केली होती.

तालुक्याच्या बहुतांश भागात हमखास उत्पन्न देणाऱ्या सोयाबीन पिकाची पेरणी मोठ्या प्रमाणावर केली गेली. जमिनीत असणाऱ्या ओलीवर व अधूनमधून पडलेल्या पावसामुळे पिकांची उगवणही चांगली झाली व भात लागवडीही झाल्या तर सोयाबीन पिकाला पोषक पाऊस झाल्याने पिके उत्तम आहेत.

गेल्या काही वर्षांपासून पावसाच्या अनिश्चिततेमुळे खरीप हंगामातील पारंपरिक असणाऱ्या भुईमूग, बाजरी, बटाटा, कडधान्य पिके यांच्याकडे शेतकरी दुर्लक्ष करत असून दिवसेंदिवस सोयाबीन पिकाकडे शेतकऱ्यांचा जास्त ओढा दिसून येतो आहे. चालू वर्षी तर सरासरीच्या तब्बल २९०.७१ टक्क्यांवर सोयाबीनची पेरणी झाली आहे.

पीक सरासरी क्षेत्र हेक्टरी पेरणीचे क्षेत्र टक्केवारी

भात ७७५०.०२ ६८१५.३० ८७.९४

ज्वारी ३२.०८ ०० ००

बाजरी ६३१.०६ ०० ००

मका ३३०३ २९१५ ८८.२५

तूर १९३.०१ १५.४० १२.९०

मूग १९३.०१ ४९.०० २५.३८

उडीद १०९.०८ १२ १०.९३

भुईमूग ४३०३.०८ ६३४.९० १४.७५

सोयाबीन ६५२२ १८९६०.२० २९०.७१

कांदा ९ ०० ००

बटाटा ४५०० १३६७.०० ३०.३८

४२,१९९.०७ हेक्टर खरीप हंगामाचे एकूण क्षेत्र

४४,८६७.०० हेक्टर यंदा सरासरी क्षेत्रावर झालेली पेरणी

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT