Tomato Farming Agrowon
ॲग्रो विशेष

Tomato Price Crash: टोमॅटोचा उत्पादन खर्चही वसूल होईना

Pune Tomato Market: चाकण बाजारात टोमॅटोला अवघे सहा ते दहा रुपये किलो दर मिळत असल्याने शेतकरी आर्थिक अडचणीत सापडले आहेत. उत्पादन खर्चही भरून निघत नसल्याने अनेक शेतकऱ्यांना टोमॅटो बाजारात विक्री न झाल्याने फेकून द्यावा लागत आहे.

Team Agrowon

Chakan News: सध्या बाजारात टोमॅटोला कवडीमोल भाव मिळत आहे. येथील महात्मा फुले बाजारात टोमॅटोला प्रति किलोला सहा ते दहा रुपये भाव मिळत आहे. टोमॅटोची आवक वाढली असून मागणी कमी राहिल्याने टोमॅटोचे भाव घसरत आहे. गेल्या वर्षी जुलै महिन्यात प्रति किलोला ८० ते १०० रुपयांवर गेलेला प्रति किलोचा टोमॅटो यावर्षी फक्त सहा ते दहा रुपये प्रति किलोने विकला जात आहे. ही भावातील मोठी घसरण आहे.

जिल्ह्यातील काही भागांत शेतकऱ्यावर अक्षरशः टोमॅटो जनावरांपुढे टाकण्याची तसेच बाजारात विक्री न झाल्याने फेकून देण्याची वेळ आली आहे. बाजारात टोमॅटो विक्रीविना पडून राहत आहे हे भयानक वास्तव आहे.

खेड तालुक्यातील चाकण येथील महात्मा फुले बाजारात टोमॅटो स्थानिक परिसरातून तसेच नगर, नाशिक, लातूर जिल्ह्यांतून विक्रीसाठी येत आहे. सुमारे पन्नास टनांवर टोमॅटोची मोठी आवक होत आहे. ऐन उन्हाळ्यात पाण्याची टंचाई असताना शेतीपिकाला कसेबसे पाणी देऊन शेतकरी शेतीमाल पिकवतो आहे. त्यात भाव न मिळाल्याने शेतकऱ्यांचे मोठे आर्थिक नुकसान होत आहे.

उत्पादन खर्चही अधिक

टोमॅटो पिकाचा उत्पादन खर्चही अधिक आहे. टोमॅटो पीक घेण्यासाठी मशागत, शेणखत, रासायनिक खते टाकणे, बेड वाफे तयार करणे, मल्चिंग पेपर, कीटकनाशकांची फवारणी करणे, रोपांची दोरीने बांधणी करणे, उन्हापासून संरक्षणासाठी कापडी आच्छादन करणे आदी कामे टोमॅटो उत्पादन घेताना शेतकऱ्याला करावी लागतात. टोमॅटो पिकाला एकरी साधारणपणे पन्नास हजार रुपये खर्च येतो. मजुरांचा खर्चही दिवसेंदिवस वाढतो आहे.

चाकणला मोठ्या प्रमाणात टोमॅटोची आवक होते आहे. परंतु भाव घसरल्याने मोठे आर्थिक नुकसान होत आहे. टोमॅटो हे पीक शेतकऱ्यांना कधी मालामाल तर कधी उद्ध्वस्त करणारे बेभरवशाचे पीक झाले आहे. शेतकऱ्यांनी एकत्रित येऊन शेतीमालावर प्रक्रिया करणाऱ्या उद्योगांकडे वळणे गरजेचे आहे. सरकारने यासाठी प्रयत्न केले पाहिजेत.
विजय शिंदे, सभापती, खेड कृषी उत्पन्न बाजार समिती

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Land Fragmentation Act: शहरी भागात तुकडेबंदी कायदा रद्द करण्याची महसूल मंत्री बावनकुळे यांची विधानसभेत घोषणा

QR Code For fertilizer: ‘क्यूआर कोड’वरून कळणार उपलब्ध खते

Bridge For Ghanegar: साकवावरून जीवघेणा प्रवास

Dahanu Floods: डहाणूमध्ये सूर्या नदीला पूर; सतर्कतेचा इशारा

Tree Plantation: दहा हजार वृक्ष लागवडीचा संकल्प

SCROLL FOR NEXT