Pune News : जेजुरीतील कडेपठारच्या डोंगरात दसऱ्यानिमित्त देवभट सोहळा शनिवारी (ता. १२) मध्यरात्री पार पडला. पालखी सोहळा, सनई-ढोलांचा निनाद, फटाक्यांची आतषबाजी, विद्युत रोषणाई व खंडोबाचा जयघोष अशा उत्साही वातारणात कडेपठारच्या डोंगररांना जागविणाऱ्या येथील मर्दानी दसऱ्याची अठरा तासांनंतर खंडोबा गडावर सांगता झाली. खंडा उचलण्याच्या स्पर्धेत तलवार तोलण्याच्या स्पर्धेत अंकुश गोडसे याने प्रथम तर करसरतीच्या प्रकारात शिवाजी राणे प्रथम क्रमांक मिळविला.

शनिवारी (ता. १२) सायंकाळी सहा वाजता दसऱ्याच्या पालखी सोहळ्याला सुरुवात झाली. या वेळी मुख्य मानकरी इनामदार राजेंद्र पेशवे, सचिन पेशवे, मुख्य विश्वस्त अनिल सौंदडे, ग्रामस्थ मंडळाचे अध्यक्ष जालिंदर खोमणे, गणेश आगलावे, छबन कुदळे, संतोष खोमणे, सुधीर गोडसे, कृष्णा कुदळे, काशिनाथ मोरे, रोहिदास माळवदकर, रामदास माळवदकर, माऊली खोमणे, अनुप राऊत, दीपक राऊत, अविनाश सातभाई, दत्ता बारभाई आदी मानकरी मंडळाचे पदाधिकारी उपस्थित होते.

शनिवारी सायंकाळी सहा वाजता पालखीचे प्रस्थान झाले. भंडारा उधळून व खंडोबाचा जयघोष करीत पालखी मार्गस्थ झाली. या वेळी फटाक्यांची आतषबाजी करण्यात आली. पालखी सुसरटिंगीवर आणण्यात आली. रात्री नऊ वाजता कडेपठारच्या पालखीचे प्रस्थान झाले. कडेपठारचे आपटापूजन साडेबारा वाजता झाले.

ॲग्रो विशेष

रमण्यातील देवभेटीचा सोहळा मघ्यरात्री एक ते दोनच्या सुमारास झाला. या वेळी फटाक्यांची आतषबाजी करण्यात आली. त्यानंतर अडीच वाजता रमण्यातील आपटापूजन झाले. कडेपठारची पालखी कडेपठारकडे मार्गस्थ झाली. तर गडावरची पालखी जुनी जेजुरी मार्गे जेजुरी गावात आली.

गावात फटाके वाजवून, रांगोळी व फुलांच्या पाकळ्यांची सजावट करीत पालखीचे स्वागत केले. पालखीपुढे घडशी समाजाच्या सुमारे शंभर बांधवांनी सनई व ढोल वादन केले. लावणी, पारंपरिक पदे, रागदारी, खंडोबाची पदे, नाट्य गिते, भावगिते, सनई व वाद्यातून सादर केली. लोककलावंतांनी गडावर पालखीसमोर हजेरी लावली. खंडोबाची गिते सादर केली.

तलवार स्पर्धेत गोडसे, राणे प्रथम

स्पर्धेतील विजेते (कंसात बक्षीस रक्कम व चषक) पुढीलप्रमाणे ः

खंडा तोलणे

प्रथम ः अंकुश गोडसे (३५०००), द्वितीय ः मंगेश चव्हाण (२५०००), तृतीय ः अमोल खोमणे (२००००)