Nashik News : तालुक्यातील नवे जाखोड येथील शेतकऱ्याने शेतात उपलब्ध पाण्यावर मेथी लागवड केली. मेथी काढणीसाठी आली. नेमके दर कोसळले. त्यामुळे भाजी शेतातच सोडून देण्याची वेळ शेतकऱ्यावर आली आहे. त्यामुले ५० हजार रुपयांचा केलेला खर्च व मेहनत पूर्णपणे वाया गेली आहे.

जाखोड येथील तुकाराम पवार यांनी डाळिंब बागेत आंतरपीक म्हणून मेथीला प्राधान्य दिले. तीन एकर क्षेत्रात शेताची मशागत करून तीन क्विंटल मेथी बियाणे टाकले. शेणखत रासायनिक खताची मात्रा दिली.

निंदणी, पाणी भरणे यासह भाजीपाल्याची मोठी काळजी घेतली. ऐन भाजी बाजारात जाण्याच्या आधीच १० रुपयांत चार जुडी याप्रमाणे मेथीचे दर कोसळले. बाजारभाव न परवडणारा होता.

यामुळे मेथी काढणीसाठी खर्च न करता ती शेतातच सोडून दिली. तीन एकर मेथीवर पाणी फेरल्याने त्यांना सुमारे ५० हजार रुपये खर्च करून एक रुपयाही हाती लागला नाही.