Sangli News : सांगली जिल्हा मध्यवर्ती सहकारी बँकेच्या पंचवार्षिक निवडणुकीची प्रक्रिया आता अंतिम टप्प्यात आली आहे. निवडणुकीचा संभाव्य कार्यक्रम सहकार विभागाने तयार करून राज्य सहकारी निवडणूक प्राधिकरणाकडे अंतिम मंजुरीसाठी पाठविला आहे. प्राधिकरणाची मंजुरी मिळाल्यानंतर अधिकृत निवडणूक कार्यक्रम जाहीर होणार आहे. २२ ते २५ सप्टेंबरदरम्यान आचारसंहिता लागू होऊन निवडणूक कार्यक्रम जाहीर होण्याची शक्यता आहे. त्यामुळे इच्छुक उमेदवारांसह प्रमुख राजकीय पक्षांच्या नेत्यांच्या मोर्चेबांधणीला वेग आला आहे..जिल्हा बँकेच्या मागील पंचवार्षिक निवडणुकीनंतर आता नव्या संचालक मंडळाच्या निवडीसाठी हालचालींना वेग आला आहे. अंतिम मतदार यादी नुकतीच प्रसिद्ध झाली असून, त्यात एकूण २ हजार ४४५ मतदारांचा समावेश आहे. सत्तेची चावी ठरविणाऱ्या विकास सेवा सोसायटी गटातील दहा तालुक्यांच्या जागांवर प्रमुख गटांचे लक्ष केंद्रित झाले आहे..Ahilyanagar District Bank : अहिल्यानगर जिल्हा बँकेसाठी ३,८३६ मतदार.सत्ताधारी गटाकडून सर्वपक्षीय पॅनेलची तयारी सुरू आहे. आमदार जयंत पाटील, खासदार विशाल पाटील, आमदार रोहित पाटील, बँकेचे अध्यक्ष मानसिंगराव नाईक, विक्रमसिंह सावंत, विलासराव जगताप यांच्यासह प्रमुख नेत्यांच्या बैठका झाल्या आहेत. जिल्ह्यातील भाजप वगळता अन्य पक्षांचे नेते एकत्र येऊन जिल्हा बँकेची निवडणूक लढवणार का, याबाबत उत्सुकता आहे. संभाव्य उमेदवारांची नावेही जवळपास निश्चित झाल्याचे सांगण्यात येते..वाळवा, शिराळा, तासगाव आणि कवठेमहांकाळ येथे राष्ट्रवादी काँग्रेसच्या शरद पवार गटाला; तर पलूस, कडेगाव, मिरज आणि जत येथे काँग्रेसला विकास सेवा सोसायटी गटातील प्रतिनिधित्व देण्याबाबत चर्चा सुरू आहे. खानापूर व आटपाडीमध्ये शिवसेनेच्या शिंदे गटातील विद्यमान संचालकांना संधी देण्याबाबतही हालचाली सुरू आहेत..PDCC Bank Support: पुणे जिल्हा मध्यवर्ती सहकारी बँकेच्या अडचणी सोडविण्यासाठी सर्व पातळ्यांवर पुढाकार: उपमुख्यमंत्री सुनेत्रा पवार.भाजपकडून स्वतंत्र पॅनेलच्या हालचाली सुरू आहेत. पालकमंत्री चंद्रकांत पाटील यांच्यासह आमदार गोपीचंद पडळकर, सत्यजित देशमुख आणि सुरेश खाडे यांच्या भूमिकेकडे लक्ष लागले आहे. पडळकर यांचा जत तालुका विकास सेवा सोसायटी गटातून, तर देशमुख यांचा मजूर सोसायटी गटातून सहभाग असण्याची चर्चा आहे. अद्याप अधिकृत भूमिका जाहीर झालेली नसली, तरी सोसायटी तसेच अन्य गटांतील संभाव्य उमेदवारांची चाचपणी सुरू आहे. भाजप स्वतंत्र निवडणूक लढवणार का आणि त्यांच्या मित्रपक्षांची भूमिका काय राहणार, याकडे लक्ष लागले आहे..जिल्हा बँक निवडणुकीची स्थितीअंतिम मतदार संख्या : २,४४५निवडणूक : संचालक मंडळासाठी पंचवार्षिक निवडणूकमतदार यादी : अंतिम यादी प्रसिद्धआचारसंहिता : २२ ते २५ सप्टेंबरदरम्यान लागू होण्याची शक्यता.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
