Agriculture Relief : यवतमाळ शेतकऱ्यांच्या प्रत्यक्ष अडचणी आणि अपेक्षा जाणून घेण्यासाठी नीती आयोग व पंतप्रधान कार्यालयाच्या प्रतिनिधींनी मारेगाव तालुक्यातील मार्डी येथे थेट शेतकऱ्यांशी संवाद साधला. या संवादातून मिळणाऱ्या सूचनांच्या आधारे भविष्यातील कृषी योजना व धोरणे अधिक परिणामकारक करण्याचा प्रयत्न केला जाणार असल्याचे यावेळी सांगण्यात आले..केंद्र शासनाच्या कृषी धोरणांना शेतकऱ्यांच्या प्रत्यक्ष अनुभवांची जोड देण्यासाठी हा विशेष संवाद आयोजित करण्यात आला. महाराष्ट्राची या उपक्रमासाठी निवड करण्यात आली असून, राज्यातून यवतमाळ जिल्ह्याची आणि त्यातही मारेगाव तालुक्यातील दहा गावांची निवड करण्यात आली आहे. महाराष्ट्रातील एकमेव तालुका म्हणून मारेगावची निवड झाल्याने या उपक्रमाला विशेष महत्त्व प्राप्त झाले आहे..Moong Production: सुधारित वाण, तंत्रातून मुगाचे वाढले उत्पादन.पंतप्रधान कार्यालय, नवी दिल्लीचे प्रतिनिधी सोमनाथ चौधरी यांनी विविध शासकीय योजनांचा लाभ घेताना येणाऱ्या अडचणी, शेती अधिक सक्षम करण्यासाठी आवश्यक उपाययोजना आणि शेतकऱ्यांच्या अपेक्षा जाणून घेतल्या. शेतकऱ्यांनी सिंचन सुविधा, वन्यप्राण्यांचा वाढता उपद्रव, शेतरस्त्यांची दुरवस्था, सौरपंप योजनेतील अडचणी, शेतमालाला मिळणारा अपुरा दर, बाजार व्यवस्थेतील त्रुटी, मजूरटंचाई तसेच ऑनलाइन योजनांच्या अंमलबजावणीतील अडचणी मांडल्या..Animal Feed Technology: पऱ्हाटीपासून पशुखाद्य निर्मितीचे तंत्रज्ञान विकसित.गेट्स (अथेना) फाउंडेशनचे अंकित यांनी सिंचनाचा विस्तार, पाण्याचा कार्यक्षम वापर आणि उपलब्ध सिंचन सुविधांचा प्रभावी उपयोग याबाबत शेतकऱ्यांची मते जाणून घेतली. सांगली येथील औदुंबर चव्हाण यांनी वाढत्या मजूरटंचाईवर यांत्रिकीकरणासह पर्यायी उपाययोजनांबाबत चर्चा केली. शेतकऱ्यांनी मांडलेल्या समस्यांचा गांभीर्याने विचार करून त्यांच्या गरजांनुसार भविष्यातील कृषी योजना आणि धोरणे आखण्यासाठी या संवादाचा उपयोग केला जाईल, अशी ग्वाही प्रतिनिधींनी दिली..कार्यक्रमाचे नोडल अधिकारी उपविभागीय कृषी अधिकारी चंदन निघोट यांनी नियोजन केले. तालुका कृषी अधिकारी दीपली खवले यांनी प्रास्ताविक केले. मंडळ कृषी अधिकारी किशोर डोंगरकार यांनी सूत्रसंचालन, तर प्रसन्न पारस्कर यांनी आभार मानले..सरपंच तथा प्रशासक रविराज चंदनखेडे, गोवर्धन तोडासे यांच्यासह संजय गायधन, अशोक निमसटकर, गणेश चौधरी, भास्कर कपाळकर, संजय टोंगे, अनंत काथवटे, श्यामल राऊत, श्रुतिका राऊत, यशोधरा लिहितकर आणि मोठ्या संख्येने शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
