Chhatrapati Sambhajinagar : कोणत्याही फळपिकाची संपूर्ण शाखीय वाढ झाल्याशिवाय त्यावर अकाली फळधारणा धरू नये, असा सल्ला मोसंबी संशोधन केंद्राचे प्रमुख शास्रज्ञ डॉ. संजय पाटील यांनी दिला आहे.

‘माझा एक दिवस बळीराजासाठी’ या उपक्रमांतर्गत नुकताच सिल्लोड (जि.छत्रपती संभाजीनगर) येथे आयोजित कार्यक्रमात ते बोलत होते. या वेळी आंबा बागायतदार आमेर सत्तार, तालुका कृषी अधिकारी ज्ञानेश्वर बरिदे,

कृषी अधिकारी प्रदीप दापके, लागवड खर्च योजनेचे कृषी सहायक भगवान सपकाळ, मीनाक्षी ठाकरे, योगेश हराळ, शाकेर मिर्झा आदी उपस्थित होते.

या वेळी डॉ पाटील म्हणाले, ‘‘लहान वयाच्या फळझाडांना मोहर आल्यास तो काढून टाकावा. अन्यथा याचा विपरीत परिणाम झाडाच्या वाढीवर होतो.

यामुळे झाडाची रोग- किडींना प्रतिकार करण्याची क्षमता कमी होऊन मोठे नुकसान संभविते. मोहर काढल्यानंतर ताबडतोब बुरशीनाशकाची फवारणी करावी,’’ असेही डॉ. पाटील म्हणाले.