Nagpur News : शहरातील दक्षिण नागपूर विधानसभा मतदार संघावरून महाविकास आघाडीचे घोडे अडले होते. ही जागा सोडणार नाही असा इशारा उद्धव ठाकरे सेना आणि काँग्रेस यांनी एकमेकांना दिला.

मात्र आघाडी तुटण्याची शक्यता निर्माण झाल्याने ठाकरे सेनेने माघार घेतली. आता नागपूर शहरात काँग्रेस सर्व सहा मतदार संघांत लढणार असल्याचे स्पष्ट झाले आहे.

महाविकास आघाडीत नागपूरच्या जागावाटपावरून मोठ्या घडामोडी घडल्या. दक्षिण काँग्रेसच लढणार असल्याचे सांगण्यात आले.

त्यामुळे दक्षिणेतील काँग्रेसच्या कार्यकर्त्यांनी जल्लोष केला. आता महाविकास आघाडीमध्ये नागपूर ग्रामीणमधील रामटेक विधानसभा मतदार संघाचा वाद सुरू आहे.

ही जागा उद्धव ठाकरे सेनेला मिळण्याची दाट शक्यता आहे. असे असले तरी काँग्रेसने अद्याप या जागेवरचा दावा सोडलेला नाही.