MAIDC  Agrowon
ॲग्रो विशेष

MAIDC : ‘कृषिउद्योग’तील बदलली वरिष्ठांची मुख्यालये

Maharashtra Agriculture Industry Development Corporation : महाराष्ट्र कृषिउद्योग विकास महामंडळातील वरिष्ठ अधिकाऱ्यांची मुख्यालये बदलण्यात आली आहेत.

Team Agrowon

Agriculture Department : पुणे : महाराष्ट्र कृषिउद्योग विकास महामंडळातील वरिष्ठ अधिकाऱ्यांची मुख्यालये बदलण्यात आली आहेत. महामंडळाचे मुख्यालय मुंबईत व कामकाज मात्र जिल्हास्तरावरुन बघावे लागणार असल्यामुळे हसावे की रडावे, अशी अवस्था सर्व खातेप्रमुखांची झाली आहे.

 उपमहाव्यवस्थापक सुनील पाटील यांना चक्क दोन मुख्यालये देण्यात आली आहेत. “तुम्ही यापुढे एक आठवडा नागपूर येथून तर  तीन आठवडे मुंबईतून काम करावे,”असे आदेश श्री. पाटील यांना देण्यात आल्यामुळे त्यांची तारांबळ झाली आहे.

राज्याच्या पशुखाद्य व कृषी अभियांत्रिकी विभागाचे उपमहाव्यवस्थापक महेंद्र बोरसे यांना मुंबईऐवजी आता छत्रपती संभाजीनगर येथून काम करण्यास सांगण्यात आले आहे. तेथून सर्व विभागीय कार्यालयांमधील पशुखाद्य विक्री, वसुली, बाजारविस्ताराची कामे करावीत, असे आदेश श्री. बोरसे यांना बजावण्यात आले आहेत.

कीटकनाशके विभागाचे उपमहाव्यवस्थापक डी. एस. दुधडे यांचे मुख्यालय अकोल्याला हलविण्यात आले आहे. अकोल्यातून तुम्ही राज्यातील कीटकनाशक विक्री व बाजारविस्ताराची कामे सांभाळावीत, असे त्यांना सांगण्यात आले आहे. ‘कृषिउद्योग’च्या खते विभागाचा महाव्यवस्थापक आता मुंबईऐवजी पुण्यातून काम सांभाळेल. यापदावरील एम. डी. धांडे यांना पुण्याच्या विभागीय कार्यालयात बसून राज्यातील सर्व खत कारखान्यांचे नियोजन, खत विक्री व बाजारपेठ विस्ताराची कामे करण्यास सूचित केले गेले आहे.

प्रशासन विभागाचे व्यवस्थापक एस. बी. सोनावणे यांच्याकडे  ‘कृषिउद्योग’मधील कार्मिक, विधी, आस्थापना, प्रशिक्षण अशी महत्त्वाची जबाबदारी देण्यात आली आहे. विशेष म्हणजे यापूर्वीच्या कामकाज वाटपात त्यांच्याकडे पुण्याच्या चिंचवड भागातील कृषी अभियांत्रिकी कार्यशाळेची जबाबदारी देण्यात आली. प्रशासकीय व्यवस्था पाहणारा अधिकारी अभियांत्रिकी प्रकल्प कसे सांभाळणार, असा प्रश्न उपस्थित केला आहे. परंतु, मुख्यालयांच्या बदली प्रक्रियेत त्यांना पुण्यात येण्याचे बंधन टाकण्यात आलेले नाही.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT