Market Bulletin: सोयाबीनमध्ये नरमाईदेशातील बाजारात सोयाबीनच्या भावात काहीसे चढ उतार सुरु आहेत. मागील दोन दिवसांमध्ये प्रक्रिया प्लांट्सच्या सोयाबीन खरेदीच्या भावात काहीशी नरमाई आली. सोयाबीनचे खरेदीचे भाव ४ हजार ६५० रुपये ते ४ हजारर ७५० रुपयांच्या दरम्यान होते. बाजार समित्यांमध्येही सोयाबीनच्या भावात चढ उतार दिसत आहेत. सरासरी दरपातळी ४ हजार ते ४ हजार ३०० रुपयांच्या दरम्यान होते. बियाणे दर्जाच्या सोयाबीनचे भाव मात्र टिकून आहेत. बाजारातील आवक सरासरी असल्याचे व्यापारी सांगत आहेत. सोयाबीन भावात काही दिवस चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .काकडीला उठावराज्यातील बाजारात काकडीची आवक आजही मर्यादीतच होती. इतर भाजीपाला दराचा आधार काकडीलाही मिळत आहे. काकडीला उठावही चांगला आहे. त्यामुळे काकडीला प्रतिक्विंटल सरासरी १५०० रुपये ते २ हजार रुपये दर मिळत आहे. बाजारातील काकडीची आवक बहुतांशी ठिकाणी कमीच आहे. केवळ पुणे, मुंबई, नाशिक, नागपूर बाजारातील आवक १०० क्विंटलपेक्षा अधिक आहे. पुढील काही दिवस बाजारातील आवक कमीच राहून दर टिकून राहू शकतात, असा अंदाज भाजीपाला बाजारातील व्यापारी आणि जाणकार शेतकऱ्यांनी व्यक्त केला. .Cotton Rate: गुणवत्तेच्या कापसाला मागणी, दरातही सुधारणा; सीसीआयची खरेदीही वाढली.हरभरा दर स्थिरदेशातील बाजारात मागील काही दिवसांपासून हरभरा दर स्थिरावले आहेत. बाजारातील आवक सध्या कमी आहे. मात्र आयात स्टाॅकचा दरावर दबाव आहे. देशात स्टाॅक असल्याने आयातही काहीशी कमी होत आहे. याचा फटका मात्र देशातील शेतकऱ्यांना बसत आहे. सध्या हरभरा ५ हजार ते ५ हजार ३०० रुपयांच्या दरम्यान विकला जात आहे. दुसरीकडे हरभरा लागवडही सुरु आहे. सरकारचे धोरण आयातीला पुरक आहे. त्यामुळे पुढील काही दिवस हरभरा दर दबावातच दिसू शकतात, असा अंदाज हरभरा बाजारातील अभ्यासकांनी व्यक्त केला. .Betel Leaves: खाऊच्या पानांच्या दरात सुधारणा.सिताफळाचे दर टिकूनराज्यातील बाजारात सिताफळाची आवक कमी झालेली आहे. केवळ पुणे, सोलापूर आणि मुंबई बाजारातील आवक अधिक आहे. इतर बाजारांमधील सिताफळ आवक कमी झालेली आहे. मात्र पुढे उठावही कमी झाल्याने दराला विशेष आधार मिळाला नाही. सध्या सिताफळ प्रतिक्विंटल सरासरी ३ हजार ते ३५०० रुपये दराने विकले जात आहे. गुणवत्तापूर्ण मालाचा भाव काही बाजारांमध्ये ५ हजारांच्याही दरम्यान आहेत. सिताफळाची आवक पुढील काही दिवसांमध्ये आणखी कमी होण्याची शक्यता आहे. या काळात दराला काहीसा आधार मिळू शकतो, असा अंदाज फळबाजारातील व्यापारी आणि शेतकरी व्यक्त करत आहेत. .मटार तेजीतराज्यातील बाजारात मटारचे दर तेजीत आहेत. मटारची आवक कमी आणि उठाव चांगला आहे. याचा परिणाम दरावर होत आहे. मटारची आवक केवळ पुणे जिल्ह्यातील बाजार समित्या, मुंबई मार्केट आणि नाशिक मार्केटला चांगली आवक होत आहे. इतर बाजरांमधील आवक १०० क्विंटलपेक्षाही कमी आहे. त्यामुळे मटारला दरही चांगला मिळत आहे. सध्या बाजारात ६ हजार ते ७ हजार रुपये प्रतिक्विंटलने मटारची विक्री होत आहे. मटारची बाजारातील आवक पुढील काही दिवस कमची राहू शकते, असा अंदाज व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
