Mumbai News: शेतकऱ्यांना सहा टक्के व्याजदराने पीक कर्जपुरवठा करण्यासाठी राज्य सरकारच्या वतीने देण्यात येणऱ्या एक टक्का व्याजसवलती पोटी २० कोटी ५६ लाख रुपये वितरणास मान्यता देण्यात आली आहे.

केंद्र सरकारच्या धोरणानुसार ज्या बँका शेतकऱ्यांना सात टक्के व्याजदराने कर्जपुरवठा करतात, त्या बँकांनी सातऐवजी सहा टक्के व्याजदराने कर्जपुरवठा करावा, असे राज्य सरकारने धोरण आहे. त्यानुसार एक टक्का फरकाची रक्कम राज्य सरकार बँकांना देते.

२००६-०७ पासून खरीप आणि रब्बी हंगामापासून राज्यातील राष्ट्रीयीकृत बँका आणि प्रादेशिक ग्रामीण बँका तर २०१३-१४ पासून तीन लाखांपर्यंतचे अल्पमुदतीचे कर्जवाटप करणाऱ्या खासगी बँकांना या निर्णयाचा लाभ देण्यात येतो.

त्यानुसार २०२५-२६ मध्ये शेतकऱ्यांना अल्पमुदतीचे पीककर्ज वाटप करणाऱ्या बॅंकांना परतावा देण्यासाठी १०० कोटी रुपयांची अर्थसंकल्पीय तरतूद केली होती. त्यापैकी २० कोटी ५६ लाखांच्या वितरणास मान्यता देण्यात आली आहे.