Dhananjay Munde Agrowon
ॲग्रो विशेष

Dhananjay Munde : खरीप हंगामासाठी १ कोटी ३ लाख शेतकऱ्यांचा पीक विमा योजनेंतर्गत सहभाग; धनंजय मुंडे यांचे इतर शेतकऱ्यांना आवाहन

Aslam Abdul Shanedivan

Pune News : प्रधानमंत्री पीक विमा योजनेंतर्गत शेतकऱ्यांनी सहभाग घ्यावा. शेतकऱ्यांनी खरीप हंगामासाठी १ रूपयांचा हप्ता भरून आपली पीकं सुरक्षीत करावीत, असे आवाहन कृषी मंत्री धनंजय मुंडे यांच्यासह कृषी विभागाने केले होते. त्यानंतर आता याबाबत मुंडे यांनी, राज्यातील १ कोटी हून अधिक शेतकऱ्यांनी प्रधानमंत्री पीक विमा योजनेंतर्गत सहभाग घेतल्याची माहिती गुरूवारी (ता.११) दिली आहे.

कृषी मंत्री मुंडे यांनी याबाबत समाजमाध्यमावर एक पोस्ट केली आहे. त्या पोस्टमध्ये मुंडे यांनी, प्रधानमंत्री पीक विमा योजनेंतर्गत राज्यात यंदाच्या खरीप हंगामासाठी आतापर्यंत १ कोटी ३ लाख पेक्षा अधिक शेतकऱ्यांनी सहभाग घेतल्याचे म्हटले आहे. तर या सहभागी शेतकऱ्यांनी १ रूपयात आपला पीक विमा भरून योजनेत सहभाग घेतल्याचे मुंडे यांनी म्हटले आहे.

तसेच प्रधानमंत्री पीक विमा योजनेंतर्गत १ रूपयात पीक विमा घेण्यासाठी फक्त ५ दिवसांचा अवधी शिल्लक असल्याचेही मुंडे यांनी सांगितले आहे. तर राज्यातील उर्वरित सर्व शेतकरी बांधवांनी प्रधानमंत्री पीक विमा योजनेंतर्गत पीक विमा काढावा. १ रूपयात पीक विमा निर्धारित वेळेत भरून आपली पीकं संरक्षित करावीत असे आवाहन कृषी मंत्री मुंडे यांनी शेतकऱ्यांना केलं आहे.

याआधी देखील मुंडे यांनी अतिवृष्टी, वादळ, पूर अशी नैसर्गिक आपत्तींमुळे पिकांच्या होणाऱ्या नुकसानीपासून शेतकऱ्यांनी आपले आर्थिक नुकसान टाळावे. यासाठी शेतकऱ्यांनी प्रधानमंत्री पीक विमा योजनेंतर्गत १ रूपयात पीक विमा घ्यावा. यासाठी मोठ्या संख्येने सहभागी व्हावे असे आवाहन केले होते.

तसेच योजनेसाठी अंतिम मुदत १५ जुलै असून केंद्र शासनाने पीक विमा पोर्टल www.pmfby.gov.in सुरू केले आहे. तरी शेतकऱ्यांनी १ रूपया भरून आपल्या पिकाचा विमा घ्यावा असे आवाहन मुंडे यांनी केले होते. तर विमा काढण्यात काही अडचणी आल्यास तालुकास्तरावरील पीक विमा प्रतिनिधीशी संपर्क करावा असेही मुंडे यांनी म्हटले होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Pm Aasha Scheme : 'पीएम आशा'तून शेतकऱ्यांपेक्षा ग्राहकांचं कल्याण ?

Rain Maharashtra : राज्यात पावसाला पोषक हवामान; शुक्रवारी मराठवाड्याला 'येलो अलर्ट'  

Marathwada Mukti Sangram : मराठवाडा मुक्ती संग्रामाची गौरवशाली शौर्यगाथा

Soybean Yellow Mosaic : मळेगावातील सोयाबीनवर येलो मोझॅकचा प्रादुर्भाव

Poultry Business : भांडवलाअभावी पोल्ट्री व्यवसाय धोक्यात, सांगली जिल्ह्यात परिस्थिती

SCROLL FOR NEXT