Mumbai News : अवकाळी पाऊस व गारपिटीमुळे राज्यात फेब्रुवारी २०२५ ते मे २०२५ या कालावधीत झालेल्या नुकसानीपोटी ३३७ कोटी ४१ लाख ५३ हजार रुपयांची नुकसान मदत निधीस मदत व पुनर्वसन विभागाने मान्यता दिली आहे.

फेब्रुवारी ते मे या काळात नुकसानीमुळे ३ लाख ९८ हजार ६०३ बाधित शेतकऱ्यांच्या १ लाख ८७ हजार ५३.२१ हेक्टर क्षेत्रातील पिकांचे नुकसान झाले होते. या कालावधीत गारपिटीमुळे छत्रपती संभाजीनगर विभागामधील ६७ हजार ४६२ शेतकऱ्यांच्या ३४ हजार ५४२.४६ हेक्टर बाधित क्षेत्रावरील पिकांसाठी ५९ कोटी ९८ लाख २० हजार रुपये.

पुणे विभागातील १ लाख ७ हजार ४६३ शेतकऱ्यांच्या ४५ हजार १२८.८८ हेक्टर बाधित क्षेत्रावरील पिकांसाठी ८१ कोटी २७ लाख २७ हजार रुपये. नाशिक विभागातील १ लाख ५ हजार १४७ शेतकऱ्यांच्या ४५ हजार ९३५.१६ हेक्टर बाधित क्षेत्रावरील पिकांसाठी ८५ कोटी ६७ लाख ८ हजार रुपये. कोकण विभागातील १३ हजार ६०८ शेतकऱ्यांच्या ४ हजार ४७३.६९ हेक्टर बाधित क्षेत्रावरील पिकांसाठी ९ कोटी ३८ लाख २४ हजार रुपये.

तर, अमरावती विभागातील ५४ हजार ७२९ शेतकऱ्यांच्या ३६ हजार १८९.८६ हेक्टर बाधित क्षेत्रावरील पिकांसाठी ६६ कोटी १९ लाख ११ हजार रुपये. नागपूर विभागातील ५० हजार १९४ शेतकऱ्यांच्या २० हजार ७८३.१६ हेक्टर बाधित क्षेत्रावरील पिकांसाठी ३४ कोटी ९१ लाख ६३ हजार रुपये मदत वितरित करण्यात येणार आहे.