Government Fund  Agrowon
ॲग्रो विशेष

Government Fund : जिल्हा परिषद, पंचायत समित्यांचे शासनाकडे अडकले १३५ कोटी

Zilla Parishad Fund : जिल्हा परिषद आणि पंचायत समित्यांचे शासनाकडे सुमारे १३६ कोटी अडकले आहेत. त्यामुळे विकास कामांवर मोठा परिणाम झाला आहे.

अभिजित डाके : ॲग्रोवन वृत्तसेवा

Sangli News : जिल्हा परिषद आणि पंचायत समित्यांचे शासनाकडे सुमारे १३६ कोटी अडकले आहेत. त्यामुळे विकास कामांवर मोठा परिणाम झाला आहे. पदाधिकाऱ्यांकडून वारंवार निधीसाठी पाठपुरावा केला जात असूनही निधी देण्यासाठी प्रशासनाकडून दुर्लक्ष केले जात आहे.

जिल्हा परिषद आणि पंचायत समिती यांना पंधरावा वित्त आयोग, स्थानिक उपकर, मुद्रांक शुल्क, प्रोत्साहन अनुदान जमीन महसुल अनुदान आदींचा निधी शासनाकडून मिळतो. मात्र तो यंदा मिळाला नाही. त्यामुळे शासनाकडे १३५ कोटी रुपये अडकले आहेत.

या संस्थांवर गेल्या दोन वर्षांपासून प्रशासकराज आहे. स्थानिक स्वराज्य संस्थांना शासनाकडून विविध करांच्या माध्यमातून मिळणारी येणी वेळेवर येत नसल्याने सध्या शासनाकडे गेल्या दोन-तीन वर्षांपासूनचे सुमारे १३५ कोटींचे येणे थकीत आहे.

शासनाकडे अडकलेल्या निधीमध्ये मुद्रांक शुल्कचे १४ कोटी रुपये येणे आहे. स्थानिक उपकर, वाढीव उपकर, जमीन महसुल अनुदान, प्रोत्साहन अनुदानाचे सुमारे ३७ कोटी येणे आहे. जिल्हाधिकारी कार्यालयाकडून हा निधी आला नसल्याने याचा बजेटवर परिणाम झाला आहे.

पंधराव्या वित्त आयोगाचे २२-२३ वर्षाचे जिल्हा परिषद आणि पंचायत समिती स्तरावर ४४ कोटी, तर २३-२४ चे ४४ असे सुमारे ८५ कोटी येणे आहे. २०२१ पासून जिल्हा परिषदेला पंधराव्या वित्त आयोगाचे ३६ कोटी ४९ लाख, पंचायत समित्यांना ३४ कोटी ९७ लाख तर ग्रामपंचायत्यांना ४७७ कोटी आले आहेत.

मार्चला तरी मिळणार का?

शासनाकडून आलेला निधी मार्चमध्ये खर्ची न पडल्यास तो परत जाण्याचा धोका असतो. त्यामुळे हा निधी खर्ची टाकण्यासाठी अधिकाऱ्यांची धावपळ सुरू असते. त्यामुळे शासनाकडे अडकलेला निधी मार्च महिन्यात मिळाला कामे मार्गी लागण्याची शक्यता आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Nashik Industrial Development: नवीन मोठ्या उद्योगांसह प्रकल्प येण्यासाठी पोषक वातावरण: मंत्री छगन भुजबळ

ZP Election 2025: पाच तालुक्यांतील गटांच्या संरचनेत बदल

Farmer Income: शेतकऱ्यांचे उत्पन्न वाढविण्यामध्ये कोरडवाहू फळपिकांचे मोठे योगदान

Zilla Parishad elections: अहिल्यानगर ‘झेडपी’ची अंतिम प्रभाग रचना जाहीर

Crop Loan: किसान क्रेडिट कार्डचे एक हजार पीककर्ज प्रस्ताव मंजूर करा: जिल्हाधिकारी राहुल कर्डिले

SCROLL FOR NEXT