Beed News : बीड कृषी उत्पन्न बाजार समितीच्या 50 वर्षांच्या इतिहासात प्रथमच महिलेला सभापतिपदाचा मान मिळाला. सरला मुळे सभापती तर श्याम पडुळे यांची उपसभापतिपदी शुक्रवारी (ता. 12) बिनविरोध निवड झाली.

बाजार समिती संचालक मंडळ निवडणुकीत आमदार संदीप क्षीरसागर यांनी राष्ट्रवादी काँग्रेस, शिवसेना (ठाकरे गट), भाजप, शिवसेना, काँग्रेस, शिवसंग्राम, शेकाप, सावता परिषद, संभाजी ब्रिगेड आदीं एकत्र आले.

त्यांनी परिवर्तन महाआघाडी करून माजी मंत्री जयदत्त क्षीरसागर यांच्या नेतृत्वाखालील सत्ताधारी आघाडीचा पराभव करून 50 वर्षानंतर बाजार समितीमध्ये सत्तांतर केले.

18 पैकी संचालक बळिराम चव्हाण, प्रभाकर जोगदंड, शरद झोडगे, उद्धव पैठणे, संजय माने, आदिनाथ लांडे, ज्ञानेश्वरी काळकुटे, सुभद्रा माने, विश्वास आखाडे, नितीन फड, धनंजय गुंदेकर, दीपक काळे, गणेश उगले आदी 15 संचालक विजयी झाले.