Department Of Agriculture Agrowon
ताज्या बातम्या

Agriculture Department : कृषिसेवकांची दोन हजार ७० पदे भरण्याचा प्रस्ताव

Agriculture Department Latest Update : कृषी विभागात गेल्या काही वर्षांपासून रिक्त जागांची संख्या वाढत आहे. त्यामुळे इतर कर्मचारी, अधिकाऱ्यांवर कामाचा ताण येत आहे.

Team Agrowon

Pune News : कृषी विभागात गेल्या काही वर्षांपासून रिक्त जागांची संख्या वाढत आहे. त्यामुळे इतर कर्मचारी, अधिकाऱ्यांवर कामाचा ताण येत आहे. तो कमी करण्यासाठी कृषी विभागाकडून पाऊले उचलण्यात येत आहेत. कृषिसेवक पदाच्या सरळसेवेच्या कोट्यातील २ हजार ५८८ पदे रिक्त आहेत.

त्यापैकी ८० टक्के म्हणजे २ हजार ७० पदांच्या भरतीसाठी प्रस्ताव शासनाकडे देण्यात आला आहे. शासनाची मान्यता प्राप्त होताच जाहिरात व पुढील कार्यवाही केली जाईल, अशी माहिती सूत्रांनी दिली.

कृषी आयुक्तालयाच्या अधिनस्त गट- ‘क’मधील विविध संवर्गातील सरळसेवा पदभरतीबाबत प्रक्रिया सुरू झाली आहे. त्याची जाहिरातदेखील प्रसिद्ध करण्यात आली आहे. तसेच पेसा क्षेत्रातील पदे निश्‍चित करण्याची कार्यवाही देखील अंतिम टप्प्यात आहे.

कृषी विभागाचा सुधारित आकृतिबंध अद्याप अंतिम झाला नसल्यामुळे शासन निर्णयातील तरतुदींनुसार वाहनचालक व गट- ‘ड’ संवर्गातील पदे वगळून इतर सरळसेवा कोट्यातील रिक्त पदांच्या ८० टक्के मर्यादेत पदभरती करण्यात येईल.

‘गट- क’ संवर्गातील सरळसेवा पदभरती ‘आयबीपीएस’ या कंपनीमार्फत राबविण्यास शासन मान्यता मिळाली आहे. या संस्थेसोबत सामंजस्य करारदेखील करण्यात आला आहे. त्यानुसार वरिष्ठ लिपिक, सहायक अधीक्षक, लघुलेखक (निम्नश्रेणी) व लघुलेखक (उच्चश्रेणी) या पदांची जाहिरात प्रसिद्ध करण्यात आली आहे.

पेसा क्षेत्रातील पदे भरणार :

राज्यपालांच्या २९ ऑगस्ट २०१९ च्या अधिसूचनेनुसार, अनुसूचित, आदिवासी क्षेत्रातील (पेसा) १७ संवर्गातील सरळसेवेची पदे भरण्याबाबत कळविण्यात आले आहे. त्यामध्ये कृषी सहायक संवर्गाचा समावेश आहे.

शासन निर्णयानुसार, विभागीय कृषी सहसंचालक ठाणे, पुणे, नाशिक, अमरावती, नागपूर व लातूर या विभागांतील पेसा क्षेत्रातील मुख्यालय निश्‍चिती व पदसंख्या निश्‍चित करण्याबाबतच्या प्रस्तावास प्रशासकीय विभागाची मान्यता मिळविण्याची कार्यवाही अंतिम टप्प्यात आहे.

त्यामुळे कृषी सेवक पदांसाठी जाहिरात देणे शक्य झालेले नाही, मात्र मान्यता मिळताच भरती संदर्भातील पुढील कार्यवाही केली जाईल, असे सूत्रांनी सांगितले.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT