Rain Update  Agrowon
ताज्या बातम्या

Pune Rain Update : पुणे जिल्ह्याच्या पश्‍चिम भागात हलक्या सरी

Pune Weather Update : पावसासाठी पोषक वातावरण तयार झाल्याने जिल्ह्याच्या पश्‍चिम भागात रविवारी (ता. १७) पावसाच्या हलक्या सरी पडल्या.

Team Agrowon

Pune News : पावसासाठी पोषक वातावरण तयार झाल्याने जिल्ह्याच्या पश्‍चिम भागात रविवारी (ता. १७) पावसाच्या हलक्या सरी पडल्या. रविवारी सकाळी आठ वाजेपर्यंत मावळातील कार्ला येथे २९ मिलिमीटर पाऊस पडला.

त्यामुळे भात पिकांना काहीसा दिलासा मिळाला. पिके काही प्रमाणात तरारली आहेत. परंतु पूर्व भागातील शिरूर, बारामती, इंदापूर, दौंड, पुरंदर तालुक्यांत काही अंशी ढगाळ वातावरण आहे. अजूनही शेतकरी जोरदार पावसाच्या प्रतीक्षेत आहेत.

हवेलीतील खेड, भोसरी, कळस येथे तुरळक सरी पडल्या. तर पुणे वेधशाळा, केशवनगर, कोथरूड, खडकवासला, थेऊर, उरुळीकांचन, चिंचवड, हडपसर, वाघोली ढगाळ वातावरण होते. मुळशीतील माले, मुठे भागांत बऱ्यापैकी हलका पाऊस पडला. पौड, घोटावडे, थेरगाव, पिरंगुट भागांत शिडकावा झाला.

भोरमधील भोलावडे, नसरापूर, किकवी, वेळू, आंबवडे, संगमनेर, निगुडघर, मावळमधील तळेगाव, काले, खडकाळा, लोणावळा, शिवणे, वेल्ह्यातील पानशेत, विंझर, आंबवणे, जुन्नरमधील नारायणगाव, वडगाव आनंद, निमगाव सावा, बेल्हा, राजूर, डिंगोरे, आपटाळे, ओतूर, खेडमधील वाडा, राजगुरुनगर, कुडे, पाईट, चाकण, आळंदी, पिंपळगाव, कन्हेरसर, कडुस, आंबेगावमधील घोडेगाव, आंबेगाव, कळंब, पारगाव, मंचर या भागांत हलक्या सरी आल्या.

हंगाम गेला अन् पाऊस आला

यंदा अनेक शेतकऱ्यांनी चांगला पाऊस होईल, या अपेक्षेने खरिपाचे मे महिन्यापासून नियोजन केले होते. आता पावसाचे जवळपास साडेतीन महिने लोटले आहेत. या काळात पुरेसा पाऊस झालेला नाही. त्यामुळे खरीप हंगामात अनेक ठिकाणी पिके जळून गेली. काही ठिकाणी पिके सुकत असून, त्यांची वाढ खुंटली आहे.

त्यामुळे हंगाम वाया गेला आहे. उत्पादनात मोठी घट येण्याची शक्यता निर्माण झाली आहे. पावसाचे अखेरचे दहा ते बारा दिवस राहिले. परतीचा पुरेसा पाऊस झाल्यास शेतकऱ्यांना रब्बीचे नियोजन करता येईल. त्यातच मागील दोन दिवसांपासून पावसास काही प्रमाणात पुन्हा सुरुवात झाली आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT