Onion Market Agrowon
ताज्या बातम्या

Onion Market : खेळ आश्‍वासनांचा; प्रत्यक्षात दिलासा कधी?

NAFED Onion Procurement : केंद्र सरकारकडून होत असलेल्या कांदा खरेदीचा लाभ होणे दूरच, उलट बाजार समितीत लिलाव कमी होऊन दरात घसरण दिसून आली आहे.

Team Agrowon

Nashik News : केंद्र सरकारकडून होत असलेल्या कांदा खरेदीचा लाभ होणे दूरच, उलट बाजार समितीत लिलाव कमी होऊन दरात घसरण दिसून आली आहे. त्यामुळे राज्य व केंद्र सरकारबद्दल शेतकऱ्यांमध्ये संतापाची लाट आहे. विविध मंत्र्यांकडून कांदाप्रश्‍न निकाली काढण्याची आश्‍वासने देण्यात येत असली, तरी प्रत्यक्षात दिलासा कधी मिळणार, हा प्रश्‍न शेतकऱ्यांमध्ये आहे.

ग्रामविकासमंत्री गिरीश महाजन, अन्न नागरी पुरवठामंत्री छगन भुजबळ यांनी शनिवारी (ता. २६) नाशिक जिल्ह्यातील बाजार समित्यांना भेटी दिल्या. मंत्री भुजबळ यांनी लासलगाव बाजार समितीच्या विंचूर उपबाजार समितीस भेट दिली. या वेळी बाजार समितीचे सभापती बाळासाहेब क्षिरसागर, उपसभापती गणेश डोमाडे आदी उपस्थित होते. तर पिंपळगाव बाजार समितीत श्री. महाजन यांनी शेतकऱ्यांशी संवाद साधला.

या वेळी खासदार सुभाष भामरे, सभापती आमदार दिलीप बनकर, जिल्हाधिकारी जलज शर्मा आदी उपस्थित होते. कांदाप्रश्‍न कायमस्वरूपी निकाली काढण्यासाठी प्रयत्न करण्याचा शब्द त्यांनी या वेळी शेतकऱ्यांना दिला. तत्पूर्वी केंद्रीय मंत्री डॉ. भारती पवार यांनी शेतकरी व शेतकरी संघटनांची बाजू समजून घेतली होती.

‘‘कांदा दराचा प्रश्‍न कायमस्वरूपी सोडविण्यासाठी तात्पुरती मलमपट्टी करण्याऐवजी प्रभावी उपाययोजना करण्याची गरज आहे. शेतकऱ्यांना कांदा साठविण्यासाठी, चाळ उभारणीसाठी, अनुदान देण्यासाठी भूमिका घ्यावी लागेल.

‘नाफेड’च्या खरेदीत पारदर्शकता आणण्यासाठी विशेष पाऊल उचलावे लागेल. ‘नाफेड’कडून बाजार समितीत खरेदी होण्यासह कांद्याबाबत उद्‌भवलेल्या प्रश्‍नासाठी मुख्यमंत्र्यांसमवेत येत्या आठवड्याभरात बैठक बोलावली जाईल,’’ असे महाजन यांनी सांगितले

‘‘नाफेड’कडून अवघी चार हजार टनांची खरेदी’

कांदा निर्यातीवर निर्बंध आणले नाहीत तर देशांतर्गत कांदा संपून आयात करण्याची वेळ येऊ शकते. विरोधक मात्र कांद्याला अनुदान देण्याच्या मागणीवरून राजकारण करीत आहेत. कांद्याचे अत्यल्प उत्पादन पाहता समतोल साधण्यासाठी निर्यातशुल्क लावून ‘नाफेड’व्दारे कांदा खरेदी सुरू केली आहे.

पण ‘नाफेड’कडून अवघी चार हजार टन कांदा खरेदी झाली, हे कटू सत्य आहे. ‘नाफेड’च्या खरेदीत पाणी मुरते आहे. चौकशी करून त्यात पारदर्शकता आणण्यासाठी प्रभावी उपाययोजना कराव्या लागतील, असे मंत्री महाजन यांनी सांगितले.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Lumpy Skin Disease: सोलापुरात ‘लम्पी’चा संसर्ग वाढला; संपूर्ण जिल्हा नियंत्रित क्षेत्र घोषित

Maharashtra Corrupt Ministers: कलंकित, भ्रष्ट मंत्री, आमदारांची हकालपट्टी करा

Achalpur APMC Scam: अचलपूर समितीत कोट्यवधीचा बांधकाम घोटाळा

Cow Based Farming: देशात गौ आधारित कृषी पद्धतीला मिळावी चालना

Livestock Registration: ‘कृषी’ दर्जानंतर पशुपालकांच्या नोंदणीला मिळेना प्रतिसाद

SCROLL FOR NEXT