Parbhani News : यंदाच्या (२०२३) खरीप हंगामात परभणी व हिंगोली जिल्ह्यातील शेतकऱ्यांची सर्वाधिक पसंती सोयाबीनलाच आहे. शुक्रवार (ता. २८)पर्यंत या दोन जिल्ह्यात ४ लाख ९४ हजार ७२६ हेक्टरवर सोयाबीन पेरा झाला आहे. तूर, मूग, उडीद ही कडधान्ये तसेच ज्वारी, बाजरी, मका या तृणधान्यांतील यंदाही घट कायम आहे.

या दोन जिल्ह्यांत कडधान्यांची १ लाख ४१ हजार ३६८ पैकी ८२ हजार २२४ हेक्टरवर, तर तृणधान्यांची १६ हजार ५७६ पैकी ७ हजार २११ हेक्टरवर पेरणी झाली.

परभणी जिल्ह्यात शुक्रवार (ता. २८)पर्यंत एकूण ५ लाख ३४ हजार ८९९ पैकी ४ लाख ६१ हजार ३११ हेक्टरवर (८६.२४ टक्के) पेरणी झाली सोयाबीनची २ लाख ४९ हजार ७२७ पैकी २ लाख ४५ हजार १७७ हेक्टरवर (९८.१८ टक्के), तुरीची २९ हजार ९७० हेक्टर (६५.२१ टक्के), मुगाची ७ हजार ५६२ हेक्टर (२७.८२ टक्के), उडदाची १ हजार ५०७ हेक्टर (१६.६० टक्के) पेरणी झाली. ज्वारीची २ हजार १२० हेक्टर (२८.९१ टक्के), बाजरीची ४२० हेक्टर (३५.९७ टक्के), मक्याची ५२९ हेक्टर (५२.६९ टक्के) पेरणी झाली.

कपाशीची १ लाख ९२ हजार २१३ पैकी १ लाख ७३ हजार ७०२ हेक्टरवर (९०.३७ टक्के) झाली आहे. हिंगोली जिल्ह्यात ३ लाख ६१ हजार ५४ पैकी ३ लाख २८ हजार ९६८ हेक्टरवर (९२.५२ टक्के) त्यात सोयाबीनची २ लाख ५६ हजार ४०४ पैकी २ लाख ४९ हजार ५४९ हेक्टर (९७.३३ टक्के) पेरणी झाली.

तुरीची ३५ हजार १६ हेक्टर (७७.२९ टक्के), मुगाची ४ हजार ३३७ हेक्टर (५५.७३ टक्के), उडदाची ३ हजार ६१२ हेक्टर (६१.४४ टक्के), ज्वारीची ३ हजार २१४ हेक्टर (५८.३८ टक्के), बाजरीची ११२ हेक्टरवर मक्याची ५७२ हेक्टर पेरणी झाली. कपाशीची ३८ हजार ८२१ पैकी ३१ हजार ७९४ हेक्टर (८१.९० टक्के) लागवड झाली.=

परभणी हिंगोली कडधान्ये पेरणी स्थिती (हेक्टरमध्ये)

तालुका तूर मूग उडीद

परभणी ६५१५ २०७५ १६०

जिंतूर ५४२० ५३५ १७६

सेलू २०५८ ६८९ १५८

मानवत १९६५ ७३० २०४

पाथरी ३२३४ ७९५ १७४

सोनपेठ १६९९ २५१ ८९

गंगाखेड ४४७५ ११०० १७५

पालम २९८० ९५६ २४५

पूर्णा १६२५ ४३१ १२६

हिंगोली ९१४४ ४४८ ५०२

कळमनुरी ७१५ २१० १९५

वसमत ३३८८ ९५१ ६५१

औंढा नागनाथ ६५५० २१५० १४५०

सेनगाव १५२१९ ५७८ ८१४