Jalgaon News: खानदेशात तीळ पेरणी यंदा कमी झाली. त्यात मळणी सर्वच भागात पूर्ण झाल्याची माहिती आहे. यंदा पेरणी जुलैनंतर सुरू झाली. मळणीच्या वेळेस पावसाने धुमाकूळ घातल्याने नुकसानही झाले आहे. .तेलबिया पिकांत खानदेशात खरीप व रब्बीत किंवा उन्हाळ हंगामात भुईमूग व सूर्यफूल अधिक असते. तीळ पेरणी कमी असते. यंदाही खरिपात तीळ पेरणी अपेक्षेएवढी झाली नाही. तीळ पेरणी जुलैच्या अखेरिस सुरू झाली आहे. ऑगस्ट महिन्यातही काही भागात पेरणी सुरूच होती..Sesame Farming : विदर्भात तीळ ठरतेय हुकमी पीक.तीळ पिकाची पेरणी खानदेशात मागील काही वर्षांपासून सतत कमी झाली आहे. पूर्वी तीळ पिकाची पेरणी सात ते आठ हजार हेक्टरवर केली जात होती. जेवढी पेरणी खरिपात केली जायची, तेवढीच पेरणी रब्बीतही किंवा उन्हाळ हंगामात शेतकरी करायचे. तीळ पिकासाठी जळगाव जिल्ह्यातील चोपडा, यावल, रावेर, अमळनेर, पाचोरा, जामनेर हा भाग प्रसिद्ध होता. धुळ्यातील शिरपूर, शिंदखेडा, नंदुरबारातील तळोदा,शहादा, नंदुरबार भागातही तीळ पेरणीला शेतकरी पसंती द्यायचे..Sesame Farming : विदर्भात तीळ ठरतेय हुकमी पीक.कमी उत्पादनाचा फटकाकमी दर, अल्प उत्पादन यामुळे पेरणी कमी होत गेली. मागील हंगामात सुमारे ३८० हेक्टरवर तीळ पीक होते. यंदा मात्र तीळ पेरणी सुमारे ३६० हेक्टरवर झाली होती. खरिपात खानदेशात सुमारे १२०० ते १३०० हेक्टरवर तीळ पेरणी अपेक्षित होती. परंतु पेरणी कमी होती. खरिपात उत्पादन कमी आले..एकरी एक क्विंटलही उत्पादन अनेकांना आलेले नाही. एकरी ३० ते ४० किलो उत्पादन आले. कारण पावसानेही नुकसान झाले. तीळ पिकाची पेरणी काळ्या कसदार जमिनीत अधिकची झाली होती. काळ्या कसदार जमिनीत तीळचे उत्पादन एकरी दोन क्विंटलपेक्षा अधिक मिळते, असेही शेतकरी मानतात. कमी खर्च व कमी पाण्यात काळ्या कसदार जमिनीत तीळ पीक साध्य करणे शक्य आहे. केळी पिकासही तीळ पिकाचे बेवड लाभदायी ठरते, असेही शेतकऱ्यांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
