Nashik News: ऐन कापणीच्या अवस्थेत पावसाने धुमाकूळ घातल्याने भात पिकाचे मोठे नुकसान आहे. त्यातच पावसाने उघडीप दिल्यानंतर आता कापणीच्या कामांनी वेग घेतला. मात्र मजूरटंचाई व वाढलेल्या मजुरीचा मोठा प्रश्न निर्माण झाल्याने शेतकरी हवालदिल आहे. यावर पर्याय शोधून शेतकऱ्यांनी यांत्रिकीकरणाला पसंती दिली आहे. पश्चिम पट्ट्यातील इगतपुरी, त्र्यंबकेश्वर, पेठ व सुरगाणा या भागांत वापर वाढता आहे. प्रामुख्याने भाडेतत्त्वावरील यंत्राची मोठी मागणी आहे. त्यामुळे वेळ व खर्चात ५० टक्क्यांपर्यंत बचत होत आहे..औद्योगिक वसाहतींमध्ये मुजरांचे स्थलांतर झाल्याने ग्रामीण भागात शेतमजुरांची संख्या कमी झाली आहे. त्यातच पावसामुळे आडवा झालेला भात कापणीसाठी अधिक वेळ व श्रम लागत आहेत. त्यामुळे अधिक मजुरी देऊन शेतकऱ्यांनी कामे करून घेतली. मात्र त्यास खर्च व वेळ अधिक लागत आहे. .Paddy Procurement: रायगड जिल्ह्यात ४६ भात खरेदी केंद्रे.मजुरी सर्वसामान्यांच्या आवाक्याबाहेर गेली असून ४५० ते ५०० रुपये मोजावे लागत आहेत. त्यात मजुरांची उपलब्धता वेळेवर होत नसल्याने शेतकरी मेटाकुटीस आला आहे. त्यामुळे वेळेत भात कापणी करून तो खळ्यावर आणण्यासाठी यांत्रिकीकरण हा एकमेव पर्याय शेतकऱ्यांसमोर आहे..वेळ व कापणी खर्चात बचतमजुरांची उपलब्धता झाल्यानंतरही एक एकर भात कापणीसाठी २ ते ३ दिवस लागतात. तर हेच काम यंत्राच्या साहाय्याने अवघ्या २ ते २.५ तासात होते. मजुरांसाठी एकरी १२ ते १३ हजार रुपये खर्च आहे. तर यंत्राद्वारे कापणीसाठी ताशी १,२०० ते १,२५० रुपये दर आहे. असा एकरी २,५०० ते ३,००० रुपये खर्च येतो. बांधणीसाठी अतिरिक्त ३,००० ते ३,५०० हजार रुपये लागतात. त्यामुळे जवळपास ४० ते ५० टक्के खर्चात बचत होत असल्याचे शेतकरी सांगतात..Paddy Harvest: थंडीच्या लाटेत शेतकरी कामात गर्क.फायदे असेखर्चात बचत, कार्यक्षमता वाढून तुलनेत कमी वेळेत कामे यांत्रिकीकरण वापराच्या संधीसह स्थानिक रोजगारनिर्मिती.पाऊस उघडल्यानंतर कापणी सगळ्या भातपट्ट्यात सुरू आहे. आता मजूर मिळणे कठीण झाले आहे. मजुरांच्या शोधात वेळ वाया घालवण्यापेक्षा व अधिक पैसे मोजण्यापेक्षा यंत्राने कापणी करणे सोयीचे आणि स्वस्त पडते. मात्र नुकसान असल्याने यंदा अडचणी आहेत.वसंत भोसले, भात उत्पादक शेतकरी, धामणी, ता. इगतपुरी.मजूर मिळत नसल्याने यंत्राला मागणी वाढली. त्यामुळे यंत्र खरेदी केले. स्वतःची भात काढणीसह परिसरातील शेतकऱ्यांच्या मागणीनुसार भाडे आकारून कापणी करून दिली जाते. मजूर टंचाईवर परिसरात शेतकऱ्यांना पर्याय उपलब्ध झाला. यामुळे रोजगारनिर्मितीदेखील झाली आहे.ज्ञानेश्वर महाले, भात उत्पादक व यंत्रमालक, वाढोली, ता. त्र्यंबकेश्वर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
