Seed Production Agrowon
ताज्या बातम्या

Seed Production : साडेबाराशे एकरांवर पैदासकार बीजोत्पादन

VNMKV Parbhani : वसंतराव नाईक मराठवाडा कृषी विद्यापीठाने खरीप हंगामात दुप्पट बीजोत्पादनाचे उद्दिष्ट साध्य करण्यासाठी परभणी येथील मध्यवर्ती प्रक्षेत्रावरील अनेक वर्षांपासून पडीक असलेली १ हजार २५० एकर जमीन लागवडीखाली आणली आहे.

Team Agrowon

Parbhani News : वसंतराव नाईक मराठवाडा कृषी विद्यापीठाने खरीप हंगामात दुप्पट बीजोत्पादनाचे उद्दिष्ट साध्य करण्यासाठी परभणी येथील मध्यवर्ती प्रक्षेत्रावरील अनेक वर्षांपासून पडीक असलेली १ हजार २५० एकर जमीन लागवडीखाली आणली आहे. गुरुवारी (ता. ६) कुलगुरू डॉ. इंद्र मणी मिश्रा यांच्या हस्ते या जमिनीवर पेरणीस सुरुवात करण्यात आली.

या वेळी संशोधन संचालक डॉ. दत्तप्रसाद वासकर, सहयोगी संचालक बियाणे डॉ. के. एस. बेग, मध्‍यवर्ती प्रक्षेत्राचे प्रभारी अधिकारी डॉ. विलास खर्गखराटे आदी उपस्थित होते. कृषी विद्यापीठाच्या स्‍थापनेपासून १९७२ ते २००१ या कालावधीत परभणी येथील मध्यवर्ती प्रक्षेत्रावर (सेंट्रल फार्म) विविध पिकांच्‍या वाणांचे पायाभूत, पैदासकार, प्रमाणित आणि सत्‍यतादर्शक बीजोत्‍पादन घेतले जात होते.

परंतु गेल्‍या काही वर्षांपासून निधी व मनुष्‍यबळ अभावी यातील बहुतांश क्षेत्र लागवडीखाली आणण्‍यात अडचणी निर्माण झाल्‍यामुळे जमीन पडीक झाली होती. यंदा कुलगुरू डॉ. इंद्र मणी मिश्रा यांनी विद्यापीठाचे बीजोत्‍पादन दुप्‍पट करण्‍याच्‍या उद्देशाने मध्‍यवर्ती प्रक्षेत्र विकासाकडे विशेष लक्ष दिले. या वर्षी उन्हाळ्यात पडीक क्षेत्रावरील काटेरी झाडेझुडपे काढून जमिनीची नांगरणी, मोगडणी आदी मशागतीची कामे, तसेच पाण्याचा निचरा होण्यासाठी चर खोदण्यात आले.

त्यासाठी विद्यापीठातील विविध प्रकल्‍प व योजनांतील ट्रॅक्‍टर्स तसेच इतर यंत्रसामग्रीचा वापर करण्‍यात आला. सुमारे १ हजार २५० एकर जमीन क्षेत्र या खरीप हंगामात पैदासकार बीजोत्‍पादनाकरिता तयार झाले आहे. प्रक्षेत्रावर नवीन चार मोठ्या क्षमतेची शेततळी निर्माण करण्‍यात आली असून, जुन्या मोठ्या शेततळ्याची दुरुस्ती करण्‍यात आली आहे. या माध्यमातून ८ ते ९ कोटी लिटर पाणीसाठा निर्माण होणार आहे.

बीजोत्‍पादन क्षेत्राला संरक्षित सिंचन देणे शक्य होणार आहे. यावेळी कुलगुरू इंद्र मणी मिश्रा म्‍हणाले, की विद्यापीठाने विकसित केलेल्या विविध वाणांच्‍या बियाण्यास शेतकऱ्यांची मोठी मागणी असल्यामुळे यंदा पैदासकार बीजोत्‍पादन दुप्‍पट करण्‍यासाठी प्रयत्न केले जात आहेत. डॉ. खर्गखराटे म्हणाले, की सोयाबीनच्‍या एमएयूएस-६१२, एमएयूएस-७१, एमएयुएस-७२५ आणि जेएस-२०-११६ तसेच तूर पिकांचा बीडीएन-७११, बीडीएन-१३४१ या वाणांचे पैदासकार बीजोत्‍पादन घेण्‍यात येणार आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT