Hingoli News : हिंगोली जिल्ह्यात यंदाच्या खरीप हंगामात मंगळवार (ता. ११) अखेरपर्यंत ३ लाख ६१ हजार ५४ पैकी २ लाख २६ हजार ६९९ हेक्टरवर (६२.७९ टक्के) पेरणी झाली आहे.

आजवरच्या पेरणीक्षेत्रात सोयाबीन १ लाख ७६ हजार ८५१ हेक्टर, तूर २३ हजार ५०४ हेक्टर, तर कपाशीच्या १८ हजार ६९९ हेक्टर क्षेत्राचा समावेश आहे, अशी माहिती जिल्हा अधीक्षक कृषी अधिकारी शिवराज घोरपडे यांनी दिली.

जून महिन्यात पाऊस अल्प झाला. जुलैच्या पहिल्या आठवड्यात चांगला पाऊस झालेल्या मंडलांतील शेतकऱ्यांनी पेरणी केली. परंतु कमी पाऊस झालेल्या मंडलांत पेरणीस उशीर झाला आहे. सोयाबीनची २ लाख ५६ हजार ४०४ पैकी १ लाख ७६ हजार ७३३ हेक्टर (६८.९३ टक्के) पेरणी झाली.

तुरीची ४५ हजार ३०६ पैकी २३ हजार ५०४ हेक्टर (५१.८८ टक्के), मुगाची ७ हजार ७८१ पैकी ३ हजार १९ हेक्टर (३८ टक्के), उडदाची ५ हजार ८७९ पैकी २ हजार २६ हेक्टर (३४.४६ टक्के), ज्वारीची ५ हजार ५९५ पैकी २ हजार २२४ हेक्टर (४०.४० टक्के), बाजरीची ८८ हेक्टरवर पेरणी झाली आहे.

कपाशीची ३८ हजार ८२१ पैकी १८ हजार ६५९ हेक्टरवर (४८.०६ टक्के) लागवड झाली. तृणधान्यांची ६ हजार ७४५ पैकी २ हजार ६०४ हेक्टर (३८.६१ टक्के), कडधान्यांची ५८ हजार ९९३ पैकी २८ हजार ५८५ हेक्टर (४८.४५ टक्के), गळीत धान्यांची २ लाख ५६ हजार ४९५ पैकी १ लाख ७६ हजार ८५१ हेक्टरवर (६८.९५ टक्के) पेरणी झाली आहे, अशी माहिती तंत्र अधिकारी (साख्यंकी) आर. के. क्षीरसागर यांनी दिली.

तालुकानिहाय पेरणी स्थिती (हेक्टरमध्ये)

तालुका सरासरी क्षेत्र पेरणी क्षेत्र टक्केवारी

हिंगोली ७७१४४ ४८१३३ ६२.३९

कळमनुरी ६९१२१ .४३५५५ ६३.०१

वसमत ६३८७२ ३३३६० ५२.२३

औंढा नागनाथ ६५०१३ ४५६६० ७०.२३

सेनगाव ८५९०२ ५५९९१ ६५.१८