सिंधुदुर्गनगरी ः जिल्ह्यात परतीचा पाऊस (Rainfall) थांबण्याची कोणतीही चिन्हे नाहीत. सतत पडत असलेल्या पावसामुळे भातकापणी (Paddy Harvesting) रखडली आहे. पावसाने भातपिकांची लोंबी जमिनीवर पडायला सुरुवात झाल्यामुळे शेतकऱ्यांची घालमेल वाढली आहे.
दरम्यान बुधवारी (ता. १२) देखील जिल्ह्यातील कणकवलीत ढगफुटीसदृश्य पावसाने दाणादाण उडाली. याशिवाय जिल्ह्याच्या सर्वच भागात पावसाच्या सरी कोसळल्या. जिल्ह्यात परतीच्या पावसाची झोड सुरूच आहे.
जिल्ह्यात रविवारपासून विजांच्या कडकडाटासह परतीच्या पाऊस सुरू आहे. मंगळवारी वैभववाडीत ढगफुटीसदृश्य पाऊस झाला होता. तसेच बुधवारी सायकांळी कणकवली शहरात ढगफुटीसदृश्य पाऊस झाला. या पावसामुळे शहरात दाणादाण उडाली.
अनेक भागात पाणी साचले होते. याशिवाय जिल्ह्याच्या सर्वच भागात पावसाच्या सरी कोसळत होत्या. दुपारनतंर जिल्ह्याच्या अनेक भागात पावसाचा जोर वाढला. सतत पडत असलेल्या पावसामुळे भातपीक अडचणीत येण्याची शक्यता निर्माण झाली आहे.
भाताची लोंबी चिखलात रूतल्यानंतर ते पीक वाचविण्याचा कोणताही पर्याय शेतकऱ्यांकडे राहत नाही. त्यामुळे शेतकरी अस्वस्थ होवू लागला आहे. शेतकरी पाऊस थांबण्याच्या प्रतीक्षेत आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
