Pune News: राज्यात पावसाने उघडीप दिल्याने उन्हाचा चटका आणि उकाड्यातही वाढ झाली आहे. आज (ता. ४) उत्तर महाराष्ट्र, उत्तर मराठवाडा, पूर्व विदर्भात तुरळक ठिकाणी विजांसह वादळी पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात तुरळक ठिकाणी हलक्या पावसासह कमाल तापमानात चढ-उतार होण्याचा अंदाज आहे.
मॉन्सून कमजोर होताच पावसाने उघडीप दिली असली तरी कोकणातील दापोली येथे ६० मिलिमीटर दोडामार्ग, देवगड येथे प्रत्येकी २० मिलिमीटर आणि उर्वरित कोकणात तुरळक ठिकाणी हलक्या सरींनी हजेरी लावली. उर्वरित राज्यात ढगाळ हवामानासह उन्हाचा चटका आणि उकाडा कायम आहे. मंगळवारी (ता. ३) विदर्भातील चंद्रपूर येथे राज्यातील उच्चांकी ३९.२ अंश तापमानाची नोंद झाली.
आज (ता. ४) उत्तर महाराष्ट्रातील नंदूरबार, धुळे मराठवाड्यातील जळगाव, छत्रपती संभाजीनगर तर विदर्भातील वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांत विजासंह वादळी पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे. मध्य महाराष्ट्र, मराठवाड्यात तुरळक ठिकाणी विजांसह हलक्या पावसाचा अंदाज हवामान विभागाने वर्तविला आहे.
मॉन्सूनची चाल होईना
नैॡत्य मोसमी वाऱ्यांनी (मॉन्सून) यंदा विक्रमी वेगाने वाटचाल करत केरळसह, महाराष्ट्रात सर्वसाधारण वेळेआधी धडक दिली. मात्र अरबी समुद्रातून प्रवाह कमी झाल्याने जवळपास आठवडाभरापासून मॉन्सूनची चाल थांबली आहे. मुंबई, अहिल्यानगर, अदिलाबाद, पुरी आणि पूर्व भारतातील बालूरघाट पर्यंतची मॉन्सूनची सीमा ‘जैसे थे’ आहे.
मंगळवारी (ता. ३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३३.६---२३.५
धुळे---३९.०---२०.८
जळगाव---३८.४---निरंक
कोल्हापूर---२९.१---२३.१
महाबळेश्वर---२१.३---१७.४
मालेगाव---३६.४---२३.४
नाशिक---३१.४---२३.७
निफाड---३३.०---२०.९
सांगली---३१.३---२२.९
सातारा---३१.४---२३.७
सोलापूर---३४.६---२४.४
सांताक्रूझ---३३.७---२६.८
डहाणू---३४.९---२७.५
रत्नागिरी---३२.०---२४.१
छत्रपती संभाजीनगर---३४.३---२३.४
धाराशिव---निरंक---२१.४
परभणी---३४.८---२४.९
अकोला---३७.६---२६.१
अमरावती---३५.८---२२.५
बुलडाणा---३४.५---२३.०
ब्रह्मपुरी---३८.६---२५.८
चंद्रपूर---३९.२---२६.६
गडचिरोली---३७.६---२६.०
गोंदिया---३६.४---२४.८
नागपूर---३७.४---२७.०
वर्धा---३६.०---२७.४
वाशीम---३४.८---निरंक
यवतमाळ---३६.०---२५.४
विजांसह पावसाची शक्यता (येलो अलर्ट) :
नंदूरबार, धुळे, जळगाव, छत्रपती संभाजीनगर, वर्धा, नागपूर, भंडारा, गोंदिया, चंद्रपूर, गडचिरोली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.