Pune News : मॉन्सूनचा आस उत्तरेकडे सरकताच राज्यात पावसाने उघडीप दिली आहे. आज (ता. ७) उत्तर कोकणात तुरळक ठिकाणी जोरदार सरींची शक्यता आहे. उर्वरित राज्यात हवामान ढगाळसह ऊन-सावल्यांच्या खेळात तुरळक ठिकाणी हलक्या पावसाचा अंदाज हवामान विभागाने वर्तविला आहे.
दक्षिण बिहार आणि परिसरावर समुद्र सपाटीपासून १.५ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा त्याच्या सर्वसाधारण स्थितीच्या उत्तरेकडे सरकला आहे.
मॉन्सूनचा आस पंजाबच्या अमृतसरपासून यमुनानगर, बरेली, गोरखपूर, पटना, मालदा ते मणिपूर पर्यंत विस्तारला आहे. पुढील तीन ते चार दिवस मॉन्सूनचा आस हिमालयाच्या पायथ्याकडे राहण्याची शक्यता आहे.
ऊन-सावल्यांच्या खेळात हलक्या सरी
राज्यात मुख्यतः पावसाने उघडीप दिली असून, ढगाळ हवामानासह ऊन-सावल्यांच्या खेळात हलक्या ते मध्यम सरी येत आहेत. आज (ता. ७) कोकणातील पालघर, ठाणे जिल्ह्यात तुरळक ठिकाणी जोरदार सरींची शक्यता आहे. उर्वरित राज्यात ढगाळ हवामानासह हलक्या पावसाचा अंदाज हवामान विभागाने वर्तविला आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
