Pune News: राज्यातील पावसाचा जोर ओसरल्याने अनेक ठिकाणी पावसाने उघडीप दिली आहे. तुरळक ठिकाणी ऊन सावल्यांच्या खेळात श्रावण सरी हजेरी लावत आहेत. आज (ता. २) पूर्व विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. तसेच उर्वरित राज्यात अंशतः ढगाळ आकाश राहण्याचा, तसेच तुरळक ठिकाणी विजांसह हलक्या सरींचा अंदाज आहे.
नैर्ऋत्य उत्तर प्रदेश आणि परिसरावर समुद्र सपाटीपासून १.५ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा गंगानगरपासून, रोहतक, शाहजहानपूर, गोरखपूर, शांतिनिकेतन ते ईशान्य बंगालच्या उपसागरापर्यंत कायम आहे. पश्‍चिम बंगाल आणि बांगलादेश परिसरात समद्र सपाटीपासून ९.४ किलोमीटर उंचीवर चक्राकार वारे वाहत आहेत.
शुक्रवारी (ता. १) सकाळपर्यंतच्या २४ तासांमध्ये कोकण, घाटमाथा आणि मध्य महाराष्ट्र आणि विदर्भात तुरळक ठिकाणी हलक्या ते मध्यम पावसाने हजेरी लावली आहे. राज्यात ऊन-सावल्यांचा खेळ सुरू असल्याने उकाड्यात वाढ झाली आहे. पावसाने उघडीप देताच राज्यात कमाल तापमानाचा पारा पुन्हा ३० अंशांपार पोहोचला आहे. ब्रह्मपुरी येथे राज्यातील उच्चांकी ३३.९ अंश सेल्सिअस तापमानाची नोंद झाली.
आज (ता. २) पूर्व विदर्भातील नागपूर, भंडारा, गोंदिया, चंद्रपूर, गडचिरोली जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात तुरळक ठिकाणी ढगाळ हवामान, ऊन सावल्या खेळ सुरू राहण्याची तसेच तुरळक ठिकाणी विजांसह पावसाची शक्यता हवामान विभागाने वर्तविली आहे.
शुक्रवारी (ता. १) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२६.८---२१.४
अहिल्यानगर---२९.८---२१.४
धुळे---३०.०---२०.२
जळगाव---३०.८---२३.१
जेऊर---३०.०---१९.५
कोल्हापूर---२६.७---२१.७
महाबळेश्‍वर---१९.४---१७.०
मालेगाव---३१.०---२१.८
नाशिक---२८.०---२२.०
निफाड---२९.६---२२.०
सांगली---२८.१---२२.०
सातारा---२५.२---२१.५
सोलापूर---२९.६---२३.०
सांताक्रूझ---३०.४---२६.९
डहाणू---३१.७---२४.५
रत्नागिरी---३०.३---२५.१
छत्रपती संभाजीनगर---३०.६---२२.४
धाराशिव---२८.२---२०.४
परभणी---३१.०---२३.०
परभणी (कृषी)---३१.३---२१.९
अकोला---३३.२---२४.८
अमरावती---३०.६---२२.२
भंडारा---३२.०---२५.०
बुलडाणा---३२.०---२५.०
ब्रह्मपुरी---३३.९---२५.१
चंद्रपूर---३३.८---२५.०
गडचिरोली---३०.४---२४.४
गोंदिया---३२.४---२४.६
नागपूर---३२.६---२५.०
वर्धा---३२.५---२५.०
वाशीम---२९.६---२१.८
यवतमाळ---३०.६---२२.२
विजांसह पावसाचा इशारा (येलो अलर्ट) :
नागपूर, भंडारा, गोंदिया, चंद्रपूर, गडचिरोली.
विजांसह पावसाची शक्यता :
रत्नागिरी, सिंधुदुर्ग, नागपूर, धुळे, नाशिक, सातारा, सांगली, कोल्हापूर, सोलापूर, धाराशिव, लातूर, नांदेड
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.