Manoj Jarange : मराठा समाजाला सरसकट कुणबी दाखला द्या ; मनोज जरांगे यांचे उपोषण सुरूच

Maratha Reservation : मराठा आरक्षणासाठी जालन्यात सुरू असलेल्या उपोषणाचा आज दहावा दिवस आहे. आज उपोषणकर्ते मनोज जरांगे-पाटील यांनी पत्रकार परिषद घेऊन आपण उपोषणावर ठाम असल्याचे जाहीर केले.
Manoj jarange
Manoj jarangeAgrowon
Published on
Updated on

Maratha Reservation Protest : मराठा आरक्षणाच्या मागणासाठी मनोज जरांगे यांच्या उपोषणाचा आज दहावा दिवस आहे. त्यांच्या आंदोलनाला राज्यभरातून प्रतिसाद मिळत असून ठिकठिकाणी मराठा समाज रस्त्यावर उतरला आहे. दरम्यान, राज्य सरकारने तोडगा काढण्यासाठी मराठा समाजातल्या ज्या लोकांकडे कुणबी असल्याची नोंद आहेत, त्यांना कुणबी दाखला देण्याचा निर्णय घेतला आहे.

त्यावर आज जरांगे-पाटील यांनी पत्रकार परिषद घेऊन आपली भूमिका स्पष्ट करत कालच्या निर्णयाचा काहीच फायदा होणार नाही. मराठा समाजाला सरसकट कुणबी दाखला द्यावे, अशी मागणी मनोज जरांगे यांनी केली आहे.

Manoj jarange
Maratha Reservation : मराठा क्रांती महामोर्चाचा आक्रमक पवित्रा; आजपासून आझाद मैदानात आमरण उपोषण सुरू

मागील दहा दिवसांपासून सुरू असलेल्या उपोषणामुळे मनोज जरांगे यांची प्रकृती खालावली आहे. त्यांच्या पोटात अन्नाचा कणही न गेला नाही. केवळ पाणी आणि सलाईनवर असलेल्या जरांगे यांचा रक्तदाब कमी झाला असून किडनीवरही परिणाम होत आहे. उपोषणस्थळी दाखल झालेले मेडिकल पथक त्यांच्या प्रकृतीवर बारीक लक्ष ठेऊन आहे. त्यांची प्रकृती पाहता सरकारही चिंतेत आहे.

Manoj jarange
Maratha Andolan : राज्य मागास आयोग उद्यापासून मराठवाडा दौऱ्यावर ; तीन जिल्ह्यातून घेणार मराठा समाजाच्या सध्यास्थितीचा आढावा

कोंडी सापडलेले शिंदे सरकार वारंवार जरांगे यांची मनधरणी करीत आहे. बुधवारी झालेल्या मंत्रिमंडळाच्या बैठकीनंतर मुख्यमंत्री एकनाथ शिंदे यांनी मराठवाड्यातील मराठ्यांकडे जर निजामकालीन शैक्षणिक आणि महसुली नोंदी असल्यास त्यांना कुणबी दाखले दिले जातील, अशी घोषणा केली आहे. या निर्णयानंतर जरांगे यांनी आपली भूमिका स्पष्ट करत उपोषण सुरूच ठेवणार असल्याचे सांगितले.

जरांगे म्हणाले, मराठा आरक्षणासंदर्भात काल सरकारने काल निर्णय घेतला. पण या आदेशाची प्रत आमच्यापर्यंत आली नाही. मराठा समाजातल्या ज्या लोकांकडे कुणबी असल्याची नोंद आहेत, त्यांना आजपासून कुणबी दाखले देण्यात येणार आहे. पण सरसकट मराठा समाजाला कुणबी दाखले देण्याची आमची मागणी आहे.

तसेच सरसकट दाखले देण्यासाठी एक महिन्याची वेळ सरकारने मागितली आहे. तर, आमच्याकडे कुणाकडेच कुणबी असल्याच्या वंशावळीच्या नोंदी नाहीत. त्यामुळे कालच्या निर्णयाचा काहीच फायदा होणार नाही. त्यामुळे यात सरकारने सुधारणा करत सरसकट कुणबी दाखले दिले पाहिजेत, अशी मागणी मनोज जरांगे यांनी केली आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com