E Nam System: ई-नाम प्रणालीद्वारे पुण्यातून काश्मीरमधील फळांची खरेदी

Agricultural Trade: काश्मीरमधील शोपिया बाजार समितीतून ई-नाम प्रणालीचा वापर करत पुणे बाजार समितीमधील श्री गुरुदेव दत्त एजन्सीचे व्यापारी सुयोग सूर्यकांत झेंडे यांनी सफरचंद, पिअर या दोन फळांची खरेदी केली.
E-Nam Scheme
E-Nam SchemeAgrowon
Published on
Updated on

Pune News: काश्मीरमधील शोपिया बाजार समितीतून ई-नाम प्रणालीचा वापर करत पुणे बाजार समितीमधील श्री गुरुदेव दत्त एजन्सीचे व्यापारी सुयोग सूर्यकांत झेंडे यांनी सफरचंद, पिअर या दोन फळांची खरेदी केली. त्यांनी एकूण ११.६ टन खरेदी केली असून, त्याची किंमत ११ लाख ७६ हजार असल्याचे कृषी लाख ७५ हजार असल्याचे पणन मंडळातील सूत्रांनी सांगितले.

ई-नाम इंटरस्टेट ट्रेड अंतर्गत दोन राज्यांतील बाजार समित्यांमध्ये ई- लिलावाद्वारे शेतीमालाची खरेदी-विक्री करता येते. पणनमंत्री जयकुमार रावल यांच्या मार्गदर्शनाखाली काश्मीरमधील सफरचंद, पिअर, प्लम खरेदीसाठी प्रयत्न सुरू होते. त्यानुसार पहिल्यांदा मंगळवारी काश्मीर आणि पुणे बाजार समितीत खरेदी झाली. काश्मीरप्रमाणे अन्य राज्यातही ई-नामद्वारे खरेदी-विक्रीचे प्रयत्न सुरू असल्याचे पणन मंडळाचे सरव्यवस्थापक विनायक कोकरे यांनी सागितले.

E-Nam Scheme
e-NAM : शेतीमाल खेरदी-विक्री व्यवहारात‘ई-नाम’मुळे पारदर्शकता येणार

राज्यात २१ हजार ५८२ कोटींची उलाढाल

शेतीमाल खरेदी-विक्रीसाठी देशपातळीवर एक बाजार या केंद्राच्या संकल्पनेवर आधारीत राष्ट्रीय कृषी बाजार (ई-नाम) ही योजना सुरू आहे. महाराष्ट्रासह २३ राज्ये, राज्ये, तसेच ४ केंद्रशासित प्रदेशातील १५२२ बाजार समित्या ‘ई-नाम’ला जोडल्या आहेत. यामध्ये महाराष्ट्रातील १३३ बाजार समित्या चार टप्प्यांमध्ये जोडल्या आहेत. राज्यात याद्वारे एकूण ५७८ लाख क्विंटल शेतीमालाची विक्री झाली असून याची किंमत २१ हजार ५८२ कोटी रुपये आहे.

शेतीमालाच्या ई-नाम खरेदी-विक्रीची रक्कम अडत्यांमार्फत थेट ई-पेमेंटद्वारे होते. त्यामुळे शेतीमालाचा ऑनलाइन व्यापार-व्यवहार अधिक पारदर्शक होईल. यामुळे आंतरराज्य व्यापारास चालना मिळाली आहे. ई-लिलावाद्वारे सोयाबीन, हरभरा, मका, गहू, ज्वारी, हळद, तर, उडीद, कांदा, डाळिंब, कोबी, रेशीम कोष आणि फळांची विक्री होत आहे. या प्रणालीद्वारे बाजार समित्यांतील व्यापारी, शेतकऱ्यांनी आंतरराज्य व्यापारांत जास्तीत जास्त सहभाग घ्यावा.
संजय कदम, कार्यकारी संचालक, राज्य कृषी पणन मंडळ, पुणे

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com