Moong Rate : हिंगोली बाजार समितीत मूग १०,००० ते १३,०५० रुपये दर

Hingoli News : हिंगोली कृषी उत्पन्न बाजार समितीअंतर्गत धान्य बाजारात (भुसार माल मार्केट) मंगळवारी (ता. २४) मुगाची ६१ क्विंटल आवक होती.

मुगाला प्रतिक्विंटल किमान १०,००० ते कमाल १३,०५० रुपये, तर सरासरी ११,५२५ रुपये दर मिळाले.

यंदा खरिपात मुगाची ५ हजार २९३ हेक्टरवर पेरणी झाली. विविध कारणांनी उत्पादकता कमी झाली आहे. काढणीच्या वेळी पावसात भिजल्याने मुगाची प्रत खराब झाली आहे.

नवीन मुगाची आवक सुरू झाली आहे. एक, दोन दिवसाआड आवक होत आहे. मागील आठवड्यात काही दिवस मुगाचे दर हमीभावापेक्षा (प्रतिक्विंटल ८६८२ रुपये) झाले होते.

मुगाची ६ ते १३ क्विंटल आवक झाली. त्यावेळी प्रतिक्विंटल किमान ६३०० ते कमाल १०३०० रुपये दर मिळाले.