Moong Rate : मंठा बाजारपेठेत मुगाची अत्यल्प आवक

Jalna News : तालुक्यात यंदा पावसाअभावी खरिपाच्या पेरणीस उशीर झाल्याने शेतकऱ्यांनी मुगाऐवजी कपाशी व सोयाबीन पीक क्षेत्रात वाढ केली आहे. त्यामुळे मूग उत्पन्नात घट झाल्याने बाजारपेठेत अत्यल्प आवक आहे.

दरम्यान, वन्यप्राण्यांचा त्रास, काढणीच्या वेळी अतिवृष्टी, भाव कमी या व इतर कारणांनी शेतकऱ्यांनी मुगाकडे पाठ फिरविली आहे. पूर्वी प्रत्येक शेतकरी पाच-दहा एकर क्षेत्रात मुगाची पेरणी करीत होता.

आता मात्र काही गुंठ्यांवर मुगाची पेरणी होत आहे. मंठा बाजारपेठेत तसेच तालुक्यातील नळडोह, दुधा, पांगरी गोसावी, नायगाव या आठवडी बाजारात शेतकरी नवा मूग विक्रीकरिता आणीत आहेत.