Turmeric Market : नांदेडला नव्या हळदीला कमाल १५३७७ रुपयांचा दर

Turmeric Rate : नांदेड कृषी उत्पन्न बाजार समितीअंतर्गत नवा मोंढा बाजारात सध्या नवीन हळदीची आवक सुरू झाली आहे.
Turmeric Market
Turmeric MarketAgrowon

Nanded News : नांदेड कृषी उत्पन्न बाजार समितीअंतर्गत नवा मोंढा बाजारात सध्या नवीन हळदीची आवक सुरू झाली आहे. गुरुवारी (ता. २२) नवा मोंढा बाजारात जवळा पांचाळ (ता. कळमनुरी, जि. हिंगोली) येथील अहेमद शेख या शेतकऱ्याच्या हळदीला कमाल १५ हजार ३७७ हजार रुपये प्रतिक्विंटल भाव मिळाला. सध्या दररोज दीड हजार ते दोन हजार क्विंटल हळदीची आवक होत असल्याची माहिती बाजार समितीच्या सूत्रांनी दिली.

नांदेड जिल्ह्यासह शेजारच्या हिंगोली जिल्ह्यातील शेतकरी हदळीची मोठ्या प्रमाणात लागवड करतात. ही हळद नांदेड तसेच हिंगोली जिल्ह्यातील वसमत बाजार समितीत विक्रीसाठी आणली जाते. या दोन बाजार समितीला सध्या हळदीच्या व्यापारावर उत्पन्न मिळते. दरम्यान सध्या बाजारात नवीन हळदीची आवक सुरू झाली आहे.

Turmeric Market
Turmeric Market : राजापुरी हळदीला १३ हजार ते २२ हजार रुपये दर

गुरुवारी (ता. २२) नांदेड कृषी उत्पन्न बाजार समितीच्या नवा मोंढा बाजारात दीड हजार क्विंटल हळदीची आवक झाली. यात कमाल १५ हजार ३७७, किमान १० हजार ७७७ तर सरासरी १३ हजार ७७७ रुपये दर मिळाला. नवा मोंढा बाजारातील आशा ट्रेडिंग यांच्याकडे जवळा पांचाळ (ता. कळमनुरी, जि. हिंगोली) येथील अहेमद शेख या शेतकऱ्याने हळद विक्रीसाठी आणली होती.

Turmeric Market
Turmeric Harvesting : वाशीममध्ये हळद काढणी सुरू

या हळदीला कमाल १५ हजार ३७७ हजार रुपये प्रतिक्विंटल भाव मिळाला. ही हळद श्री ठक्कर ब्रदर्स यांनी खरेदी केली. दरम्यान नांदेड कृषी उत्पन बाजार समितीच्या नवा मोंढा बाजारात सध्या शेतीमालाची आवक सर्वसाधारण आहे. नवीन गहू, हळद, ज्वारी, हरभरा या शेतीमालाची आवक सुरू झाली आहे.

नांदेड बाजारातील गुरुवारचे (ता. २२) शेतीमालाचे दर

शेतमाल....कमाल दर.....किमान दर.....सरासरी दर

हळद.......१५,३७७.......१०,७७७........१३,७७७

सोयाबीन..०४,४८०.......०४,०५०........०४,४२०

गहू.........०२,७६०.......०२,१००........०२,५००

तूर.........०९,६५०.......०९,०००........०९,४००

ज्वारी......०२,८४०......०२,५२०........०२,६००

हरभरा......०५,७७०......०५,६००........०५,७००

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com