Agrowon Podcast: बेदाण्याचे दर तेजीत, काकडीला मागणी, चिकू महागला; बाजरीचे दर स्थिर, तुरीचे दर दबावात

थोडक्यात माहिती...

१. काकडीची आवक कमी, दर टिकून राहण्याची शक्यता.

२. चिकूच्या दरात तेजी; मुंबईत दर ४५०० रुपयांपर्यंत.

३. बेदाण्याचे दर हाय, सणांमुळे मागणी अधिक.

४. बाजरीचे दर सध्या स्थिर, खरिपातील आवक वाढल्यावर बदल संभवतो.

५. तुरीला हमीभावापेक्षा कमी दर, परंतु लवकरच किंचित सुधारणा अपेक्षित.

काकडीला उठाव

राज्यातील बाजारात काकडीची आवक कमी आहे. तर काकडीला उठाव चांगला आहे. त्यामुळे काकडीचे दरही मागील ३ आठवड्यांमध्ये काहीसे सुधारले आहेत. पावसामुळे अनेक भागात काकडीचे उत्पादन कमी झाले. सध्या राज्यातील बाजारात २ हजार ते २ हजार २०० रुपयांच्या दरम्यान भाव मिळत आहे. राज्यातील बहुतांशी बाजारांमध्ये काकडीची आवक ५० क्विंटलपेक्षा कमी आहे. तर पुणे, मुंबई आणि नागपूर बाजारातील आवक काहीशी अधिक आहे. या बाजारांमध्ये दरपातळीही अधिक आहे. बाजारातील काकडीची आवक आणखी काही आठवडे कमीच राहू शकते. त्यामुळे दरही टिकून राहतील, असा अंदाज व्यापारी व्यक्त करत आहेत.b

चिकुचे दर तेजीत

बाजारात सध्या चिकुची आवक खपूच कमी झाली. राज्यातील सर्वच बाजारांमध्ये चिकुची आवक ५० क्विंटलपेक्षाही कमी आहे. मुंबई बाजारात आज सर्वाधिक ५० क्विंटलची आवक झाली होती. इतर बाजारांमधील आवक यापेक्षाही कमी आहे. तर चिकुला उठावही मर्यादीत आहे. कमी आवक चांगला उठाव यामुळे चिकुला बाजारात सध्या २ हजार ५०० ते ३ हजार रुपयांच्या दरम्यान भाव मिळत आहे. मुंबई बाजारात सर्वाधिक ४ हजार ते ४ हजार ५०० रुपये दर मिळत आहे. पुणे बाजारात ३ हजारांच्या दरम्यान भाव मिळत आहे. चिकुची बाजारातील आवक आणखी काही आठवडे कमीच राहण्याची शक्यता आहे. त्यामुळे दरही तेजीतच राहतील असा अंदाज व्यापारी व्यक्त करत आहेत.

बेदाणा तेजीत

देशात यंदा बेदाण्याचे उत्पादन कमी झाले. त्यामुळे हंगामाच्या सुरुवातीपासूनच बेदाणा दर गेल्यावर्षीपेक्षा अधिक आहेत. बेदाण्याला यंदा मागणीही चांगली राहीली. याचाही आधार दराला मिळाला. सध्या राज्यातील मोठ्या बाजारांमध्ये बेदाणा २५० ते ३५० रुपये प्रतिकिलोने विकला जात आहे. तर शेतकऱ्यांना मिळणारा दर २२० ते २७० रुपयांच्या दरम्यान आहे. सध्या बेदाण्याला सणांची मागणी येत आहे. त्यामुळे उठावही चांगला मिळत आहे. बेदाण्याची मागणी पुढील काही महीने चांगली राहण्याची शक्यता आहे. त्यामुळे बेदण्याचे दरही टिकून राहतील, असा अंदाज व्यापारी आणि अभ्यासकांनी व्यक्त केला.

बाजरीचे दर स्थिर

देशातील बाजारात मागील काही महिन्यांपासून बाजरीचे दर स्थिर आहेत. बाजरीचे उत्पादन चालू वर्षी तीनही हंगाममात वाढल्याचे एकूण अंदाजावरून दिसत आहे. त्यामुळे बाजारातील बाजरीची आवक चांगली आहे. बाजरीला सध्या बाजारात सरासरी २ हजार ४०० ते २ हजार ७०० रुपयांच्या दरम्यान गुणवत्तेनुसार दर मिळत आहे. बाजरीची बाजारातील आवक कमी आहे. बाजारीला उठावही चांगला आहे. पुढील २ महिन्यात खरिपातील बाजारीची बाजारात आवक सुरु होईल. त्यामुळे पुरवठा पुन्हा वाढणार आहे. परिणामी बाजाराचे दर खरिपातील आवक सुरु होईपर्यंत स्थिर दिसू शकतात, असा अंदाज व्यापारी आणि जाणकारांनी व्यक्त केला.

तुरीचे भाव दबावातच

देशातील बाजारात सध्या तुरीला हमीभावापेक्षा किमान १ हजार रुपये कमी दर मिळत आहे. बाजारतील तुरीची आवक कमी आहे. मात्र, तूर बाजारावर विक्रमी आयातीचा दबाव आहे. गेले वर्षभर देशात विक्रमी तूर आयात झाली. या आयामुळे देशातील साठा चांगला आहे. यामुळे सध्या बाजारातील आवक कमी असूनही तुरीचे दर ६ हजार २०० ते ६ हजार ७०० रुपयांच्या दरम्यान आहेत. यापुढील काळात तुरीची आवक आणखी कमी होणार आहे. मागणी चांगली आहे. त्यामुळे सध्याच्या पातळीवरून दरात सुधारणा होऊ शकते. मात्र, फार मोठ्या तेजीची शक्यता कमीच आहे, असा अंदाज तूर बाजारातील अभ्यासकांनी व्यक्त केला.

वारंवार विचारले जाणारे प्रश्न

१. काकडीचे दर सध्या किती आहेत?

सध्या काकडीचे दर २,००० ते २,२०० रुपये प्रतिक्विंटल दरम्यान आहेत.

२. चिकूचे दर सर्वाधिक कुठे आहेत?

मुंबईत चिकूचे दर सर्वाधिक असून ४,००० ते ४,५०० रुपये आहेत.

३. बेदाण्याच्या दरात तेजी का आहे?

उत्पादन कमी आणि सणांमध्ये वाढलेली मागणी यामुळे दर वाढले आहेत.

४. बाजरीचे दर कसे आहेत?

सध्या बाजरीचे दर २,४०० ते २,७०० रुपये असून स्थिर आहेत.

५. तुरीला हमीभाव मिळतोय का?

नाही, सध्या तुरीचे दर हमीभावापेक्षा सुमारे १,००० रुपये कमी आहेत.