Agrowon Podcast: कापूस दर दबावातच; उडद- ढोबळी मिरचीचे भाव स्थिर, काकडीचे दर नरमले, तर पेरुचा आवक स्थिर

Market Bulletin:

कापूस दर दबावातच

देशातील बाजारात कापसाची आवक कमी झाली आहे. देशात जवळपास ८ हजार ते ९ हजार क्विंटल कापसाची आवक होत आहे. यंदा भाव कमी असल्याने शेतकऱ्यांनी कापूस मागे ठेवला नाही. त्यामुळे कापसाची आवक सध्या कमी आहे. तर कापसाला सरासरी ७ हजार ते ७ हजार ५०० रुपयांचा भाव मिळत आहे. कापसाची बाजारातील आवक कमीच राहण्याची शक्यता आहे. मात्र, अमेरिकेने लादलेल्या आयात शुल्काचा देशातून होणाऱ्या कापड निर्यातीवर होत आहे. त्यामुळे कापसाचे भाव स्थिर राहू शकतात, असा अंदाज कापूस बाजारातील अभ्यासकांनी व्यक्त केला. 

उडदाचे भाव स्थिर

देशातील बाजारात उडदाची आवक कमीच आहे. मात्र तरीही उडदाचे भाव दबावात आहेत. उडदाला सरासरी ६ हजार ५०० ते ७ हजारांचा भाव मिळत आहे. उडदाची बाजारातील आवक कमी असली तरी आयात माल जास्त आहे. आयात उडादाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. यंदा देशातील उडदाची लागवड गेल्यावर्षीप्रमाणे झाल्याचे दिसत आहे. तसेच देशातील अनेक भागात पिकाची स्थितीही चांगली आहे. त्यामुळे यंदा उत्पादन वाढीची शक्यता व्यक्त केली जात आहे. नवा उडीद पुढील काही आठवड्यांमध्ये बाजारात येईल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत.

काकडीचे दर नरमले

राज्यातील बाजारात काकडीची आवक मागील काही दिवसांपासून वाढली आहे. त्याचा दबाव दरावर दिसून येत आहे. यंदा पावसाळा लवकर सुरु झाला. त्यामुळे काही भागात काकडीची लागवडही लवकर झाली, असे काही शेतकरी सांगत आहेत. ही काकडी आता बाजारात विक्रीसाठी येत आहे. त्यामुळे काकडीचे दर नमरले आहेत. आज राज्यातील अनेक भागात काकडीला सरासरी प्रतिक्विंटल १५०० ते १७०० रुपये दर मिळत आहे. पुढील काळात बाजारातील आवक आणखी सुधारण्याची शक्यता आहे. त्यामुळे काकडीचे दरही कमी होण्याची शक्यता आहे, असे व्यापारी सांगत आहेत. 

पेरुचा आवक स्थिर

राज्यातील बाजारात पेरुची आवक काहीशी वाढली आहे. मात्र दुसरीकडे पेरुला उठावही चांगला आहे. त्यामुळे पेरुचे दर मागील काही आठवड्यांपासू टिकून आहेत. बाजारात दर्जेदार पेरुची टंचाई असल्याचे पेरू व्यापारी सांगत आहेत. सध्या राज्यात मुंबई, पुणे आणि सोलापूर बाजारात पेरुची आवक काहीशी अधिक दिसत आहे. तर पेरुला सरासरी ३ हजार ते ५ हजार रुपयांच्या दरम्यान गुणवत्ता आणि व्हरायटीनुसार दर मिळत आहे. बाजारातील पेरुची आवक आणि दर पुढील काही आठवडे कायम राहू शकते, असा अंदाज पेरु बाजारातील व्यापारी व्यक्त करत आहेत. 

ढोबळी मिरची स्थिर

ढोबळी मिरचीचे दर मागील काही आठवड्यांपासून काहीसे नरमले होते. मात्र मागील आठवडाभरात दर काहीसे स्थिरावले आहेत. राज्यातील काही बाजारांमध्ये ढोबळी मिरचीची आवक काहीशी वाढली आहे. ढोबळी मिरचीला सध्या बाजारात सरासरी गुणवत्तेप्रमाणे ३ हजार ते ३ हजार ५०० रुपयांच्या दरम्यान भाव मिळत आहे. ढोबळी मिरचीची बाजारातील आवक पुढील काही आठवडे कमीच राहण्याची शक्यता आहे. त्यामुळे ढोबळी मि