१. सोयाबीनचे दर पेंडच्या कमी दरामुळे दबावात आहेत; सरासरी ४००० ते ४५०० रुपये दर
२. मका चांगल्या मागणीत असूनही दर वाढीला मर्यादा; सरासरी २१०० ते २३०० रुपये दर
३. कांद्याचे दर ११०० ते १७०० दरम्यान; चढ-उतार कायम.
४. गवारचे दर तेजीत; ६००० ते ८००० दरम्यान विक्री.
५. काकडीला चांगला उठाव आणि कमी आवक; दर टिकून राहण्याचा अंदाज.
Market Bulletin:
सोयाबीनचे भाव दबावातच
देशात आणि आंतरराष्ट्रीय बाजारात सोयाबीनचे भाव दबावातच आहेत. सोयातेलाचे दर वाढले. मात्र, सोयापेंडचे दर दबावातच आहेत. त्याचा दबाव सोयाबीनच्या भावावर आला आहे. सोयाबीनचे भाव बाजारातील आवक नगण्य पातळीवर पोचली असतानाही दबावातच आहेत. सोयाबीनला सरासरी ४ हजार ते ४ हजार ३०० रुपयांचा दर मिळत आहे. आंतरराष्ट्रीय बाजारात सोयातेलाचा काहीसा दर सोयाबीनला मिळाला. त्यामुळे सोयाबीनचे दर १० डाॅलर प्रतिबुसेल्सच्या पुढे सरकले. मात्र सोयापेंडचे भाव कमी झाले आहेत. याचा परिणाम दरावर दिसून येत आहे. सोयाबीन बाजारातील ही स्थिती आणखी काही आठवडे राहू शकते, असा अंदाज सोयाबीन बाजारातील अभ्यासकांनी व्यक्त केला.
मका भाव टिकून
मक्याला देशात चांगली मागणी आहे. मात्र, वाढलेले उत्पादन आणि वाढती आयात यामुळे दरावर दबाव आहे. तसेच ज्या इथेनाॅलमुळे मक्याचे भाव मागील २ वर्षांमध्ये चांगले सुधारले होते. त्या इथेनाॅलसाठी आता तांदळाचा पर्यायही उपलब्ध झाला आहे. त्यामुळे मक्याचे दर एका मर्यादेच्या पुढे सरकले तर मक्याला मागणी कमी होऊन तांदळाला मागणी येऊ शकते. यामुळे दर स्थिर दिसत आहेत. सध्या मका २ हजार १०० ते २ हजार ३०० रुपयांच्या दरम्यान विकला जात आहे. मक्याला देशात चांगली मागणी आहे. मात्र भाववाढीला मर्यादा असल्याचे जाणकार सांगत आहेत.
कांदा दरात चढ उतार
कांद्याचे भाव मागील दोन आठवड्यांपासून काहीसे कमी अधिक होताना दिसत आहेत. राज्यातील बाजारात कांद्याची सरासरी आवक गेल्यावर्षीच्या तुलनेत अधिक आहे. त्याचा परिणाम दरावर दिसत आहे. कांद्याचा भाव राज्यातील बहुतांशी बाजारांमध्ये प्रतिक्विंटल ११०० ते १४०० रुपयांच्या दरम्यान आहेत. चांगल्या मालाचा सरासरी भाव १५०० ते १७०० रुपयांच्या दरम्यान आहे. मुंबई मार्केटला सरासरी १४५० रुपयाने आज कांदा विकला गेला. तर याच बाजारात उचांकी भाव १७०० मिळाला. बाजारातील सरासरी आवक बरी राहण्याची शक्यता आहे. त्यामुळे सरासरी दर काहीसे स्थिर दिसू शकतात, असा अंदाज अभ्यासकांनी दिला.
गवार तेजीत
राज्यातील बाजारात गवारचे दर तेजीत आहेत. बाजारातील आवक कमी आणि चांगला उठाव यामुळे दर वाढले आहेत. पावसामुळे गवारची आवक कमीच आहे. राज्यातील बहतांशी भागाता पिकाचे नुकसान झाले आहे. तसेच नव्या लागवडी तोडणीला यायला उशीर आहे. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. राज्यातील केवळ पुणे आणि नागपूर जिल्ह्यातील बाजारांमध्ये आवक १०० क्विंटलपेक्षा आधिक दिसत आहे. इतर बाजारांमधील आवक ५० क्विंटलपेक्षाही कमी आहे. गवार बाजारातील ही स्थिती पुढील काही आठवडे कायम राहू शकते, असा अंदाज गवार बाजारातील अभ्यासकांनी व्यक्त केला.
काकडीला उठाव
काकडीची बाजारातील आवक कमी झाली आहे. अनेक बाजारातील आवक १०० क्विंटलपेक्षाही कमी झाली. केवळ पुणे, मुंबई, नाशिक, नागपूर अशा बाजारांमधील आवक जास्त आहे. तर दुसरीकडे काकडीला उठावही चांगला आहे. त्यामुळे काकडीचे दर टिकून आहेत. राज्यातील बहुतांशी बाजारांमध्ये काकडीला सरासरी २ हजार ते २ हजार ५०० रुपयांच्या दरम्यान भाव मिळत आहे. तर आवक कमी असलेल्या मोठ्या बाजारांमध्ये सरासरी दर ३ हजारांपर्यंतही आहे. काकडीची आवक आणखी काही आठवडे कमी राहण्याची शक्यता आहे. त्यामुळे दरही टिकून राहतील, असा अंदाज व्यापारी व्यक्त करत आहेत.
१. सोयाबीनचे दर का कमी आहेत?
पेंडच्या दरात घट झाल्यामुळे सोयाबीनवर दबाव आहे.
२. मक्याला मागणी असूनही दर वाढत नाहीत का?
वाढलेले उत्पादन व तांदळाच्या इथेनॉलमध्ये वापरामुळे दर मर्यादित आहेत.
३. कांद्याच्या दरात चढ-उतार का दिसत आहेत?
वाढीव आवक आणि बाजारातील पुरवठ्यामुळे दर स्थिर आहेत.
४. गवारचे दर एवढे का वाढले?
कमी आवक व उत्पादनाचे नुकसान यामुळे गवारला चांगले दर मिळत आहेत.
५. काकडीचे दर टिकून राहतील का?
होय, कारण मागणी चांगली असून आवक कमी असल्याचा ट्रेंड आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.