Nashik News : मालेगाव येथील बाजार समितीच्या मुख्य बाजार आवारात मका, अन्नधान्य, कडधान्य, भुईमुंग शेंगा व भुसार माल यांची आवक वाढत आहे. बाजारभाव चांगले मिळत आहेत. शनिवारी (ता. ४) कोरड्या मक्यास कमीत कमी २ २०० तर जास्तीत जास्त २३११ रुपये भाव मिळाला. २३० ट्रॅक्टर मक्याची आवक होती.
बाजारात ओला मका देखील विक्रीसाठी येत आहे. ओल्या मक्यास कमीत कमी २ हजार तर जास्तीत जास्त २ हजार १५० रुपये भाव होता. सरासरी बाजारभाव २ हजार १०० रुपये होता. ओल्या मक्याची आवक साधारणत: ५० ट्रॅक्टर होती.
बाजार समितीत मका व इतर शेतमालाची आवक दिवसागणिक वाढत आहे. गहू उच्चांकी ३ हजार २५ रुपये तर बाजरी २ हजार ८०० रुपये क्विंटलने विकली गेली. शेतकरी बांधवांनी विक्री केलेल्या मालाची रक्कम रोख स्वरुपात अदा केली जात आहे.
शेतकऱ्यांची मका विक्रीची गैरसोय होवू नये यासाठी रोज सकाळी दहाला, दुपारी एकला, सायंकाळी पाच व सातला लिलाव केले जाणार आहेत. मालेगाव तालुका व परिसरातील शेतकऱ्यांनी मका व इतर शेतमाल बाजार समितीत विक्रीसाठी आणावा असे आवाहन समितीचे संचालक व मका खरेदीदार व्यापारी भिका कोतकर यांनी केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.