Akola News : सततच्या पावसाचा सीताफळ बागांना एकीकडे फटका बसला तर हाच पाऊस डोंगरदऱ्यातील सीताफळाला फायदेशीर ठरला. यंदा डोंगरातील सीताफळाची चांगली आवक होत आहे. दुसरीकडे सीताफळ फळबागांमधूनही आता तोडणीला वेग येऊ लागला असून बाजारात फळाचा आकार व दर्जानुसार दर मिळत आहेत. सरासरी दर हा ४० ते ५० रुपयांदरम्यान प्रतिकिलो मिळतो आहे. यंदाच्या हंगामाला नुकतीच सुरुवात झाली असून हंगाम समाधानकारक राहील, अशी अपेक्षा उत्पादक व्यक्त करीत आहेत.
महाराष्ट्रात सीताफळाने एक लाख हेक्टरपेक्षा अधिक क्षेत्र व्यापले आहे. शिवाय डोंगरदऱ्यांमधील सीताफळाचेही मोठे क्षेत्र आहे. देशात महाराष्ट्र सीताफळ उत्पादनात पहिल्या क्रमांकावर आहे. मागील काही वर्षांत सीताफळ प्रक्रिया उद्योगही स्थिरावत आहे. सीताफळ हे दुर्लक्षित फळपीक आहे. या पिकात संशोधनाबाबत अनेक उणिवा सांगितल्या जातात. कमी पाण्यात, कमी मशागत व संसाधनात हमखास उत्पन्न देणारे व दीर्घ आयुष्यमान असणारे सीताफळ हे पीक मागील काही वर्षांत कमी-अधिक प्रमाणात शेतकऱ्यांच्या पसंतीस उतरते आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.