Amaravati News : देवगड (जि. सिंधुदुर्ग) येथील शेतकऱ्याला थेट अमरावती बाजारपेठेत हापूस विक्रीची परवानगी देत शेतकरी ते ग्राहक उपक्रमाला बळ देण्याचा प्रयत्न अमरावती बाजार समितीकडून करण्यात आला. याला ग्राहकांचा देखील चांगला प्रतिसाद मिळाल्याने पुढील वर्षीपासून आंबा महोत्सव घेण्याचा मनोदय बाजार समिती सचिव दीपक विजयकर यांनी व्यक्त केला.
अमरावती बाजार समितीचे सचिव दीपक विजयकर हे गुलटेकडी (पुणे) स्थित कृषी पणन मंडळाच्या कार्यालयात काही कामानिमित्त गेले होते. या वेळी पणन मंडळाच्या खालील बाजूस आंबा महोत्सव सुरू असल्याने त्यांनी आंबा महोत्सवातील प्रत्येक स्टॉलवर जात माहिती घेतली. राज्याच्या विविध भागातील आंब्याची उपलब्धता या ठिकाणी करण्यात आली होती.
या आंबा फळांना ग्राहकांची देखील चांगली मागणी असल्याचे त्यांच्या लक्षात आले. या दरम्यान देवगड येथील संकेत पुजारी या युवा शेतकऱ्याशी दीपक विजयकर यांनी संवाद साधला. संवादादरम्यान संकेत पुजारी यांनी हापूस विक्रीसाठी अमरावती बाजार समितीच्या परिसरात जागा उपलब्ध व्हावी, अशी अपेक्षा व्यक्त केली.
युवा शेतकऱ्याच्या या हाकेला श्री. विजयकर यांनी तत्काळ प्रतिसाद देत त्यास अमरावती बाजार समितीच्या परिसरात स्टॉल लावण्यास सांगितले. त्यानुसार संकेत पुजारी यांनी देखील पुण्यातील आंबा महोत्सव संपताच अमरावती गाठले.
बाजार समितीच्या प्रवेशद्वारावरच त्यांनी देवगड हापूस विक्रीचा स्टॉल लावला. याला ग्राहकांचा देखील चांगला प्रतिसाद मिळाल्याचे संकेत यांनी सांगितले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.