Pune News : गाय आणि म्हैस वर्गीय जनावरांची १०० टक्के प्रजननक्षमता व्हावी, त्यांचे वंध्यत्व कमी व्हावे, यासाठी जिल्हा परिषदेच्या पशुसंवर्धन विभागामार्फत महिनाभरात जिल्ह्यात गायी व म्हैसवर्गीय जनावरांचे वंध्यत्व शिबिर घेण्यात आले. यात २२ हजार २७० जनावरांवर उपचार करून वंध्यत्व निवारण करण्यात आले, अशी माहिती जिल्हा परिषदेच्या पशुसंवर्धन विभागाच्या सूत्रांनी दिली.
जिल्हा परिषद पुणेच्या पशुसंवर्धन विभागाने गेल्या महिनाभरात एक हजार ४४९ ठिकाणी शिबिरे पूर्ण केली आहेत. जिल्ह्यात वंध्यत्वाने बाधित दुभत्या जनावरांची तपासणी करून उपचार शिबिरे घेण्यात आली.
एक ते ३१ डिसेंबरदरम्यान यासाठी विशेष मोहीम राबविण्यात आली. पशुसंवर्धनमंत्री राधाकृष्ण विखे-पाटील यांच्या पुढाकारातून राज्यातील गायी व म्हैस वर्गीय जनावरांच्या वंध्यत्वावर मात करण्यासाठी ही संकल्पना राज्यात राबविण्यात आली होती.
पुणे जिल्ह्यात दहा लाख ८३ हजार गोवर्गीय जनावरे आहेत. यातील आठ लाख ११ हजार १०३ गाय वर्गातील आहेत. तर दोन लाख ७२ हजार २०५ जनावरे म्हैस वर्गातील आहेत. यातील वंध्यत्वाचा त्रास असणाऱ्या २२ हजार २७० गायी आणि म्हशींची तपासणी करून उपचार करण्यात आले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.