Parbhani News : यंदा (२०२३) १ एप्रिल ते मंगळवार (ता. १२)पर्यंत लम्पी स्कीन आजारामुळे परभणी जिल्ह्यात ६८८ व हिंगोली जिल्ह्यात १९३, असे दोन जिल्ह्यांत मिळून एकूण ८८१ जनावरे दगावली आहेत. वासरांच्या मृत्यूंचे प्रमाण अधिक आहे, अशी माहिती पशुसंवर्धन विभागाच्या सूत्रांनी दिली.
परभणी जिल्ह्यात यंदा १ एप्रिलपासून मंगळवार (ता. १२)पर्यंत जिल्ह्यातील २ हजार ९८ गायी व २ हजार ३६५ बैल मिळून एकूण ४ हजार ४६३ जनावरांना लम्पी स्कीनचा प्रादुर्भाव झाला आहे. सध्या या आजाराचे जिल्ह्यात ९९१ सक्रिय पशुरुग्ण आहेत.
उपचारानंतर बरी झालेल्यांमध्ये १ हजार ३५८ गायी व १ हजार ४२६ बैल असे एकूण २ हजार ७८४जनावरांचा समावेश आहे. चालू आर्थिक वर्षात ६८८ जनावरे दगावली आहेत. त्यात तसेच ९५ गायी, १६४ बैल व ४२९ वासरांचा समावेश आहे. जिल्ह्यातील २ लाख ९९ हजार ९०० जनावरांचे लसीकरण करण्या आले आहे, असे जिल्हा पशुसंवर्धन उपायुक्त डॉ. पी. पी. नेमाडे यांनी सांगितले.
हिंगोली जिल्ह्यात यंदा १ एप्रिलपासून मंगळवार (ता. १२)पर्यंत २ हजार ८२५ जनावरांना लम्पी स्कीन आजाराचा प्रादुर्भाव झाला आहे. सध्या या आजाराचे ९३० सक्रिय पशुरुग्ण आहेत. उपचारानंतर १ हजार ७०२ जनावरे बरी झाली. परंतु गंभीर असलेली १९३ जनावरे दगावली आहेत. जिल्ह्यातील २ लाख २६ हजार २४२ जनावरांचे लसीकरण करण्या आले आहे, असे पशुसंवर्धन विभागाच्या सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.