IMD Report : राज्यात सध्या सकाळी वातावरणात गारवा जाणवत असून दुपारी उन्हाचा चटका जाणवत आहे. तर राज्यातील काही भागात पावसाळी वातावरण आहे. पण जोरदार पावसाची नोंद नाही. हवामान विभागाने आजही काही ठिकाणी पावसाची शक्यता व्यक्त केली.

राज्यात कोकण आणि पश्चिम महाराष्ट्रातील काही ठिकाणी हलक्या पावसाची शक्यता हवामान विभागाने व्यक्त केली. हवामान विभागाने आज कोकणातील सिंधुदूर्ग आणि रत्नागिरी जिल्ह्यातील काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट दिला. तसेच यावेळी ३० ते ४० किलोमीटर प्रतितास वेगाने वारे वाहण्याचा अंदाज आहे. कोल्हापूर, सांगली आणि सातारा जिल्ह्यातही काही ठिकाणी विजा आणि ढगांच्या गडगडाटासह हलक्या पावसाचा अंदाज व्यक्त केला

उद्या कोकणातील सिंधुदूर्ग, रत्नागिरी तर पश्चिम महाराष्ट्रातील कोल्हापूर, सातारा आणि सांगली जिल्ह्यात काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट दिला. तर गुरुवारीही या पाच जिल्ह्यांमध्ये हलक्या पावसाचा येलो अलर्ट दिला. तर शुक्रवारी आणि शनिवारीही काही भागात हलक्या पावसाचा अंदाज दिला आहे.