Pune News : उत्तर भारतात किमान तापमानातील चढ उतार सुरुच आहेत. तर राज्यातील काही भागात सकाळी थंडी वाढली आहे. काही भागात आजही पावसाचा अंदाज आहे.

हवामान विभागाने आज विदर्भातील तीन जिल्ह्यांना हलक्या पावसाचा येलो अलर्ट दिला. विदर्भातील काही ठिकाणी पावसाचा अंदाज हवामान विभागाने दिला. भंडारा, गोंदीया, चंद्रपूर आणि नागपूर या चार जिल्ह्यांना हवामान विभागाने हलक्या पावसाचा येलो अलर्ट दिला.

या चारही जिल्ह्यांमध्ये काही ठिकाणी विजा आणि ढगांच्या गडगाडाटासह हलक्या पावसाचा अंदाज हवामान विभागाने दिला. तर राज्याच्या इतर भागात हवामान कोरडे राहण्याचा अंदाज आहे. 

उत्तर भारतातील काही भागात थंडीची लाट कायम आहे. पंजाब, हरियाना, पश्चिम उत्तर प्रदेश आणि उत्तर राजस्थानच्या बहुतांशी किमान तापमान ८ अंश सेल्सिअस ते १२ अंश सेल्सिअसच्या दरम्यान होते.

तर पंजाबमधील अमृतसर येथे देशातील सर्वात कमी ५.५ अंश सेल्सिअस तापमानाची नोंद झाली होती. तर आग्नेय उत्तर प्रदेश आणि पूर्व मध्य प्रदेशातील काही ठिकाणी गारपीट झाली होती. तर देशात काही ठिकाणी हलका पाऊसही झाला.