Pune News : किमान तापमानात वाढ झाल्याने थंडीची लाट काहीशी कमी झाली. मात्र राज्यातील गारठा कायम आहे. आज धुळे येथील कृषी महाविद्यालयात राज्याचे नीचांकी ८.८ अंश तापमान नोंदले गेले. तर निफाड येथील गहू संशोधन केंद्रात ९.५ अंश सेल्सिअस तापमान होते. पुढील दोन दिवसांत राज्याच्या किमान तापमानात २ ते ४ अंशांची वाढ होण्याची शक्यता हवामान विभागाने वर्तविली आहे.

पश्‍चिम-मध्य बंगालच्या उपसागरात ठळक कमी दाब क्षेत्र सक्रिय आहे. उत्तर आणि ईशान्येकडे सरकताना आज या प्रणालीची तीव्रता वाढण्याची शक्यता आहे. उत्तर भारतात थंडीची लाट कायम आहे. आज पंजाबच्या ‘आदमपूर’ येथे देशाच्या सपाट भूभागावरील नीचांकी ३.८ अंश सेल्सिअस तापमानाची नोंद झाली. उत्तर भारतात थंडीसोबतच धुक्याची चादर दिसून येत आहे. राज्यातही काही भागात सकाळी धुके पडत आहे.

राज्यातील किमान पातमानात काहीशी वाढ झाली. त्यामुळे थंडीची लाट कमी झाली. मात्र बहुतांशी भागात थंडी कायम आहे.तर सकाळी हवेत धुकेही जाणवत आहे. आज राज्यातील कमी ठिकाणी १० अंशांपेक्षा कमी तापमान होते. किमान तापमानासोबतच कमाल तापमानातही काही भागात वाढ दिसून आली.

आज धुळे येथील कृषी महाविद्यालयात राज्याचे नीचांकी ८.८ अंश तापमान नोंदले गेले. तर निफाड येथील गहू संशोधन केंद्रात ९.५ अंश सेल्सिअस तापमान होते. तर राज्याच्या इतर ठिकाणी तापमान १० अंशाच्या पुढे गेले आहे. पुढील दोन दिवसांत राज्याच्या किमान तापमानात २ ते ४ अंशांची वाढ होण्याची शक्यता हवामान विभागाने वर्तविली आहे.