Pune News: मॉन्सून सक्रिय झाल्याने राज्यात पावसाला सुरुवात झाली आहे. आज (ता. २६) कोकण, घाटमाथा, विदर्भात आणि मराठवाड्यात जोरदार पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. पालघर, पुण्याचा घाटमाथा, गोंदिया, चंद्रपूर जिल्ह्यात मुसळधार पावसाची शक्यता असल्याने सावधानतेच्या इशारा (रेड अलर्ट) हवामान विभागाने दिला आहे.

उत्तर बंगालच्या उपसागरातील कमी दाबाचे क्षेत्राची तीव्रता वाढली आहे. पश्‍चिम बंगालमध्ये असलेली तीव्र कमी दाबाची प्रणाली आज (ता. २६) उत्तर ओडिशा आणि झारखंडकडे येण्याचे संकेत आहेत. मॉन्सूनचा आस असलेला कमी दाबाचा पट्टा जम्मू, चंडीगड, बरेली, गोरखपूर, पाटणा, बंकुरा, कोलकाता तीव्र कमी दाबाचे केंद्रपर्यंत सक्रिय आहे. ईशान्य अरबी समुद्रापासून महाराष्ट्र ते छत्तीसगडमधील चक्राकार वाऱ्यांपर्यंत हवेचा कमी दाबाचा पट्टा सक्रिय आहे. मध्य महाराष्ट्रापासून केरळपर्यंत किनारपट्टीला समांतर कमी दाबाचा पट्टा कायम आहे.

शुक्रवारी (ता. २५) सकाळपर्यंतच्या २४ तासांमध्ये राज्यात पाऊस वाढल्याचे दिसून आले. राज्यात मध्यम ते जोरदार सरी कोसळत असून, अनेक ठिकाणी अतिवृष्टीची नोंद झाली. शुक्रवारी सकाळपासूनच ढगाळ हवामानासह पावसाच्या सरी मागून सरी पडत होत्या. यातच कमाल तापमानात घट होत असली, तरी जळगाव येथे राज्यातील उच्चांकी ३४.८ अंश सेल्सिअस तापमानाची नोंद झाली.

आज (ता. २६) पालघर, पुण्याचा घाटमाथा, गोंदिया, चंद्रपूर या जिल्ह्यांत मुसळधार पावसाची शक्यता असल्याने सावधानतेचा इशारा ‘रेड अलर्ट’ देण्यात आला आहे. मुंबई, ठाणे, रायगड, रत्नागिरी, सिंधुदुर्ग, जळगाव, नाशिक घाटमाथा, सातारा घाटमाथा, जालना, परभणी, हिंगोली, नांदेड, अमरावती, वर्धा, नागपूर, भंडारा, गडचिरोली या जिल्ह्यांत जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. तर नंदूरबार, धुळे, नाशिक, अहिल्यानगर, पुणे, कोल्हापूर घाटमाथा, छत्रपती संभाजीनगर, बीड, अकोला या जिल्ह्यांत जोरदार सरींची, तसेच बुलडाणा, वाशीम, यवतमाळ या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) आहे.

शुक्रवारी (ता. २५) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२६.१---२२.३

‎‎धुळे---३१.०---२१.३

जळगाव---३४.८---२३.८

जेऊर---२८.५---२०.५

‎‎कोल्हापूर---२५.२---२१.९

‎महाबळेश्‍वर---१८.९---१७.८

मालेगाव---३०.२---२२.६

‎‎नाशिक---२८.६---२२.९

‎निफाड---२९.८---२२.४

‎सांगली---२७.६---२२.०

‎सातारा---२५.२---२२.१

‎सोलापूर---२९.२---२३.४

‎सांताक्रूझ---३०.६---२५.४

डहाणू---३१.७---२५.०

‎रत्नागिरी---२९.४---२४.६

‎छत्रपती संभाजीनगर---२७.५---२२.४

‎धाराशिव---२७.३---२०.०

‎परभणी---२८.३---२२.८

परभणी (कृषी)---२७.७---२२.३

‎‎अकोला---३०.३---२४.३

अमरावती---२९.०---२२.१

भंडारा---३०.०---२३.०

बुलडाणा---२७.०---२२.२

‎ब्रह्मपुरी---२६.६---२३.४

‎चंद्रपूर---२६.४---२४.०

‎गडचिरोली---२७.२---२३.४

‎गोंदिया---२६.८---२३.०

‎नागपूर---२९.०---२४.८

‎वर्धा---२८.०---२४.८

‎वाशीम---२९.०---२३.२

‎यवतमाळ---३०.०---२३.४

मुसळधार पावसाचा इशारा (रेड अलर्ट) :

पालघर, पुणे घाटमाथा, गोंदिया, चंद्रपूर.

जोरदार पावसाचा इशारा (ऑरेंज अलर्ट) :

मुंबई, ठाणे, रायगड, रत्नागिरी, सिंधुदुर्ग, जळगाव, नाशिक घाटमाथा, सातारा घाटमाथा, जालना, परभणी, हिंगोली, नांदेड, अमरावती, वर्धा, नागपूर, भंडारा, गडचिरोली.

जोरदार पावसाचा इशारा (येलो अलर्ट) :

नंदूरबार, धुळे, नाशिक, अहिल्यानगर, पुणे, कोल्हापूर घाटमाथा, छत्रपती संभाजीनगर, बीड, अकोला.

विजांसह पावसाचा इशारा (येलो अलर्ट) :

बुलडाणा, वाशीम, यवतमाळ.