Pune Weather News : राज्याच्या कमाल तापमानात (Maximum Temperature) चढ-उतार सुरू आहे. मात्र पारा चाळिशी पार असल्याने उन्हाचा चटका तापदायक ठरत आहे.

उन्हाचा चटका आणि उकाडा कायम आहे. आज (ता. १८) कमाल तापमानात चढ-उतार कायम राहण्याची शक्यता हवामान विभागाने वर्तविली आहे.

बुधवारी (ता. १७) सकाळपर्यंतच्या २४ तासांमध्ये विदर्भातील गोंदिया येथे राज्यातील उच्चांकी ४२.८ तापमानाची नोंद झाली. तर चंद्रपूर येथे ४२.४ आणि वर्धा येथे ४२ अंश सेल्सिअस तापमान नोंदले गेले.

अनेक ठिकाणी तापमान चाळीशीपार गेल्याने उन्हाचा चटका कायम आहे. उर्वरित राज्यात बहुतांश ठिकाणी तापमान ३५ ते ४० अंशांच्या दरम्यान होते.

उत्तर बिहारपासून मध्य छत्तीसगडपर्यंत समुद्र सपाटीपासून ३.१ किलोमीटर उंचीवर हवेचा कमी दाबाचा पट्टा सक्रिय आहे.

आंध्र प्रदेशापासून दक्षिण तमिळनाडूपर्यंत समुद्र सपाटीपासून ९०० मीटर उंचीवर हवेचा कमी दाबाचा पट्टा तयार झाला आहे.

आज (ता. १७) राज्यात कमाल तापमानात चढ-उतार कायम राहणार असून, उष्ण व दमट हवामानामुळे चटका आणि उकाडा त्रासदायक ठरण्याची शक्यता आहे.

बुधवारी (ता. १७) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअस मध्ये) : पुणे ३६.२ (२१.३), जळगाव ४०.५ (२६.७), धुळे ४०.६, कोल्हापूर ३६ (२३.१), महाबळेश्वर ३०.२ (१७.७), नाशिक ३५.५ (२२.९), निफाड ३७.४ (२५.२), सांगली ३८.६ (२२.९), सातारा ३७ (२१), सोलापूर ४०.१ (२५),

सांताक्रूझ ३४.४ (२७), डहाणू ३५.६ (२७.८), रत्नागिरी ३५.२ (२६.७), छत्रपती संभाजीनगर ३८.४(२८), नांदेड ४०.६ (२६.४), परभणी ४०.३ (२६.२), अकोला ४१.७ (२७.९), अमरावती ४१.८(२४.७), बुलडाणा ३८.४ (२५), ब्रह्मपुरी ४१.२ (२६.३), चंद्रपूर ४२.४(२६), गडचिरोली ४१.२(२५.४), गोंदिया ४२.८ (२३.५), नागपूर ४१.८ (२५), वर्धा ४२ (२६.५), यवतमाळ ३९.५ (२६.२).