Pune News: राज्यातील तापमानात काहीसे चढ उतार कायम आहेत. किमान तापमानात वाढ झाली मात्र कमाल तापमान स्थिर दिसत आहे. हवामान विभागाने आजही कोकणत उष्ण आणि दमट हवामानाचा इशारा म्हणजे येलो अलर्ट दिला. तर राज्यातील उन्हाचा कडाका कायम राहील, असाही अंदाज हवामान विभागाने दिला. 

राज्यातील किनारपट्टीच्या भागात तापमानात सरासरी ४ ते ५ अंशाची वाढ झाली आहे. मुंबईतील सांताक्रुझ येथे सर्वाधिक ३८.५ अंश सेल्सिअस तापमानाची नोंद झाली होती. तर डहाणू येथे ३८.२ अंश सेल्सिअस तापमान होते.

रत्नागिरीतही ३७.२ अंश सेल्सिअस तापमान होते. राज्यातील किमान तापमानात मात्र चांगलीच वाढ झाली. निफाड येथील गहू संशोधन केंद्रात सर्वात कमी १२.९ अंश सेल्सिअस तापमानाची नोंद झाली होती. 

हवामान आजही कोकणातील पालघर, ठाणे, मुंबई, रायगड, रत्नागिरी आणि सिंधुदूर्ग जिल्ह्याला आज उष्ण आणि दमट हवामान इशारा म्हणजेच येलो अलर्ट हवामान विभागाने दिला. तर ठाणे जिल्ह्यासाठी उद्याही अलर्ट दिला आहे. रायगड, रत्नागिरी आणि सिंधुदूर्ग जिल्ह्यात ३ मार्चलाही उष्ण आणि दमट हवामानाचा येलो अलर्ट देण्यात आला.