Pune News: कोकणात तापमानाचा पारा चांगलाच वाढलेला आहे. आजही अनेक भागात उष्ण आणि दमट हवामान होते. आज सकाळपर्यंतच्या २४ तासांमध्ये सांताक्रूझ येथे ३८.४ अंश तापमानाची नोंद झाली. तर देशात सर्वाधिक ३९.८ अंश सेल्सिअस तापमान केरळमधील कन्नूर येथे होते. आजपासून राज्याच्या कमाल तापमानात चढ-उतार होण्याची शक्यता आहे, असा अंदाज हवामान विभागाने दिला. 

उत्तर भारतातही थंडीचा कडाका कमी होऊन कमाल तापमानाचा पारा वाढत आहे. आज हरियानातील नहान येथे देशातील सर्वात कमी ११.५ अंश सेल्सिअस तापमानाची नोंद झाली. म्हणजेच उत्तर भारतातील किमान तापमानात वाढ होत आहे.

तसेच कमाल तापमानाचा पाराही वाढत आहे. आज केरळमधी कन्नूर येथे सर्वाधिक ३९.८ अंश सेल्सिअस तापमानाची नोंद झाली होती. देशाच्या अनेक भागात तापमान ३७ अंसाच्या पुढे गेले आहे.

राज्यातही किमान तापमानात वाढ झाली आहे. आज निफाड येथील गहू संशोधन केंद्रात राज्यातील निचांकी १३.३ अंश सेल्सिअस तापमान नोंदले गेले. तर कमाल तापानाचा पारा अनेक ठिकाणी ३६ अंशाच्या पुढे गेला आहे. उन्हाचा चटका वाढल्याने दुपारच्या वेळी घराबाहेर पडणे अशक्य होत आहे.

राज्याच्या किमान तापमानात वाढ होऊ लागली आहे. डहाणू, जळगाव, मालेगाव, सांताक्रुझ, रत्नागिरी, सांगली आणि सोलापूर जिल्ह्यात तापमानाने ३६ अंशाचा पातळी पार केली होती. राज्यातील तापमानात चढ उतार कायम राहतील, असा अंदाज हवामान विभागाने दिला.